Pa January 11, 2021, khoti la ŵasilikari ku Turkmenistan likati Mubali Ruslan Artykmyradov wali na mulandu ndipo likati wakagwire jele vyaka viŵiri. Aka nkhachiŵiri kuti wajalirike mu jele chifukwa cha kuleka kunjilirapo pa vya charu.

Pamanyuma pa cheruzgo ichi, mubali Ruslan wakalongora kuti wakufipa mtima yayi ndipo wakamwemweteranga. Apo ŵakalutanga nayo ku jele wakakora mazgu gha Yesu agho ghali pa Mateyu 24:13: “Uyo wazizipizgenge m’paka kuumaliro ndiyo wazamuponoskeka.”

Tikukhozgeka chomene na chipulikano cha ŵabali ŵithu ŵachinyamata ku Turkmenistan. Mwakukhumbisiska ŵakulondezga Chiyelezgero chithu, Yesu, uyo wakazizipizga chomene “chifukwa cha chimwemwe icho chikaŵikika panthazi pake.”—Ŵahebere 12:2.