Pa September 26, 2012, khoti likuru la ku Ukraine likakanizga kupoka malo agho pali kuzengeka ofesi ya Ŵakaboni ŵa Yehova.

Ŵamboni ŵakagura malo agha mu 1998. Kweni mu 2008, uyo ŵakagurako malo agha, wakaguliskaso ku ŵa Sport Development Center LLC (SDC). Charu cha Ukraine chikuzomerezga yayi ivi, chifukwa uwu mbukhuluku.

Khoti la milandu ya malonda likati ŵa SDC ŵali kulondezga ndondomeko pakugura malo agha, ndipo likakana apilu ya Ŵamboni.

Kweni, urunji ukawoneka. Mu December 2011, khoti likuru la milandu ya malonda likati malo nga Ŵamboni ndipo mu April 2012, likakana apilu ya ŵa SDC. Ichi chikalongora pakweru kuti malo agha ghakaŵa nadi gha Ŵakaboni ŵa Yehova. Pati pajumpha myezi yitatu, khoti la apilu ku Lviv likakana apilu ya ŵa SDC. Khoti ili likati khoti la milandu ya malonda likabuda kuzomerezga ŵa SDC kuti malo agha ngawo.

Khoti la apilu likati ladumura mulandu uwu mu April, ŵa SDC ŵakachitaso apilu ku khoti likuru la ku Ukraine. Kweni pa September 26, khoti likuru likakanaso apilu yawo, ndipo mulandu uwu ukamalira penepapa.

Ŵa SDC ŵapokenge malo agha, Ŵakaboni ŵa Yehova ŵakatenge ŵaluzenge ofesi na katundu wawo ndipo ichi chikate chitimbanizgenge ntchito yawo mu charu cha Ukraine.