Kumwera cha kumafumiro gha dazi kwa United States

• Pa October 28, 2020, chimphepo chikuru chikaputa ku Louisiana ndipo pamanyuma chikakanangaso vinthu ku vigaŵa vinyake vya kumwera cha kumafumiro gha dazi kwa United States

• Chimphepo ichi chikapangiska kuti maji ghatutuke mu vigaŵa vya mumphepete mwa nyanja ndipo nyumba zinandi zikanangika kweniso magesi ghakazimwa

• Ŵapharazgi 324 ŵakasamuka dankha mu nyumba zawo

• Mupharazgi yumoza wakapwetekeka pachoko waka

• Nyumba 291 na Nyumba za Ufumu 14 zili kunangika pachoko waka

• Nyumba 8 na Nyumba za Ufumu zitatu zili kunangika chomene

• Nyumba yimoza yili kunangikirathu

• Ŵalara ŵa mipingo pamoza na ŵalaŵiliri ŵa dera ŵakuchita maulendo gha uliska kuti ŵakhozge ŵabali na kuŵapa vyakukhumbikwa. Makomiti Ghakovwira Para Kwachitika Soka agho ghakapangika chifukwa cha muliri wa COVID-19 na chimphepo cha Hurricane Laura, ndigho ghakovwiraso ŵabali ŵithu awo ŵakhwaskika na chimphepo ichi ndipo ghakuchita ivi uku ghakulondezga nthowa zose zakujivikilira ku muliri wa COVID-19.

Nase tili na chitima chifukwa cha soka ilo lawira ŵabali na ŵadumbu ŵithu. Kweni Yehova wakulutilira kuŵalongora chitemwa chakugomezgeka ŵabali ŵithu awo ŵakhwaskika na chimphepo ichi. Ivi vikuwoneka kwizira mu ntchito yakovwira para kwachitika soka iyo ŵabali ŵakuchita.—Salimo 89:1.