Pa January 11 na 12, 2020. Chimphepo chakofya chikananga vinthu ku chigaŵa chapakati na kumwera kwa United States. Chimphepo ichi chikaputa kwa mazuŵa ghaŵiri ndipo kukalokwangaso vula yikuru chomene. Ivi vikapangiska kuti vinthu vinandi vinangike mu vigaŵa vinandi vya United States. Chachitima ntchakuti, Mubali Albert Barnett wa vyaka 85 na muwoli wake, Mudumbu Susan Barnett wa vyaka 75 ŵakafwa chimphepo ichi chati chananga nyumba yawo.

Lipoti lakufuma ku ofesi ya munthavi ya United States likutiso chimphepo ichi chananga pachoko waka nyumba za ŵabali ŵithu ŵanayi pamoza na Nyumba za Ufumu ziŵiri. Ndipouli chimphepo ichi chananga chomene malo ghakuchitirapo malonda gha mubali munyake.

Ŵabali ŵalara na mulaŵiliri wadera ŵakupeleka wovwiri wakuthupi na wauzimu kwa awo ŵakhwaskika na soka ili. Tikumanya kuti Adada ŵithu ŵakuchanya, a Yehova, ŵakupembuzga ŵabali na ŵadumbu ŵithu awo ŵali na chitima chifukwa cha soka ili.—Salimo 34:18.