Louisiana na kumwera cha kumafumiro gha dazi kwa Texas

• Pa October 9, 2020 chimphepo cha nkhongono chikaputa kumwera cha kumanjiliro gha dazi kwa Louisiana, ndipo chikalutizga waka kusakaza vinthu ivyo chimphepo cha Hurricane Laura chikasakaza mwasonosono apa.

• Chimphepo ichi chikiza na chivula chikuru icho chikapangiskaso kuti maji ghatutuke kweniso kuti magesi ghazimwe mu vigaŵa vinandi.

• Ŵapharazgi 1,583 ŵakasama mu nyumba zawo

• Nyumba 216 za ŵabali ŵithu na Nyumba za Ufumu 16 zili kunangika

• Nyumba 7 za ŵabali ŵithu zili kunangika chomene

• Nyumba zitatu zili kunangikirathu

• Ŵalaŵiliri ŵa dera na ŵalara mu mpingo ŵakovwira ŵabali na ŵadumbu ŵithu awo ŵakukhumbikwira chakurya, maji, malo ghakukhala na vinthu vinyake vyakukhumbikwa pa umoyo. Vyose ivi vikuchitika na wovwiri wakufuma ku Komiti Yakovwira Para Kwachitika Soka, iyo yikapangika pamanyuma pa chimphepo cha Hurricane Laura. Ŵabali ŵithu ŵakuchita vinthu mwamahara ndipo ŵakuŵikapo mtima kulondezga ulongozgi wa umo ŵangajivikililira ku muliri wa COVID-19.

Ŵabali ŵalara nawo ŵakuchita maulendo ghanandi gha uliska kuti ŵakhozge ŵabali na ŵadumbu. Mubali mulara munyake wakati: “Ntchakukhozga chomene kuwona umo Yehova ŵakuŵapira nkhongono ŵabali na ŵadumbu. Ntchakuwonekerathu kuti wakuŵapa “nkhongono zakuluska zakawiro.”—2 Ŵakorinte 4:7.

Tikuwonga Yehova chifukwa wakulutilira kuŵa malo “ghakuponerako na ghakuvikilirika” ku ŵabali na ŵadumbu ŵithu ŵakutemweka awo ŵakhwaskika na masoka gha chilengiwa agha.—Yesaya 4:6.