Texas, United States

• Pa July 25, 2020, chimphepo cha kuchemeka Hurricane Hanna chikaputa ku Texas, ndipo chikapangiska maji kututuka kweniso majigha ghakurughakuru pa nyanja

• Chimphepo cha Hanna ntchakwamba kuchitika ku chigaŵa cha Atlantic chaka ichi

• Ŵabali ŵithu ŵaŵiri ŵakapwetekeka pachoko waka

• Ŵapharazgi 193 ŵakasamuka dankha mu nyumba zawo

• Nyumba za ŵabali 347 zikanangika pachoko waka

• Nyumba 31 zikanangika chomene

• Ŵalaŵiliri ŵa dera mu vigaŵa ivyo mwachitika soka ili, ŵakugwilira lumoza ntchito na ŵalara mu mipingo kuti ŵapeleke wovwiri wauzimu na wakuthupi

Tikuwonga chomene kuti Yehova, “Chiuta wa chisangulusko chose,” wakulutilira kupwelelera ŵabali na ŵadumbu ŵithu ku Texas mu nyengo yakusuzga iyi.—2 Ŵakorinte 1:3, 4.