Pa August 29, 2021, chimphepo cha nkhongono cha Hurricane Ida chikaputa chomene kufupi na Port Fourchon, Louisiana. Chimphepo ichi chikapangiska kuti maji ghatutuke, katundu wasakazike kweniso kuti magesi ghazimwe ku chigaŵa chakumwera. Pa September 1, chifukwa cha chimphepo cha hurricane Ida kweniso nyengo ya ku chigaŵa ichi, vikapangiska kuti maji ghatutuke kweniso kuŵe vimphepo vya tornado ku Kumpoto cha kumafumiro gha dazi kwa United States. Mu vigaŵa vinyake, ŵanthu ŵalindilirenge kwa masabata ghanandi kuti ŵaŵeso na magesi.

• Kufika pasono, vikuwoneka kuti palije mubali panji mudumbu uyo wafwapo

• Ŵabali ŵaŵiri ŵakapwetekeka pachoko waka

• Mudumbu yumoza wakaŵa mu chipatala chifukwa wakapwetekeka apo wakachimbiranga kuti wafumepo pa nyumba yake

• Nyumba 1,429 zikanangika pachoko waka

• Nyumba 183 zikanangika chomene

• Nyumba 19 zikanangikirathu

• Nyumba za Ufumu 43 zikanangika pachoko waka

• Nyumba za Ufumu 10 zikanangika chomene

• Malo ghanayi Ghakuchitirapo Ungano ghakanangika pachoko waka

• Ŵalaŵiliri ŵa dera na ŵalara mu mpingo pamoza na Makomiti Ghakovwira Para Kwachitika Soka ŵakukhozga ŵabali na ŵadumbu awo ŵakhwaskika

• Ŵanthu awo ŵakukhumbikwira wovwiri wakuthupi mwaluŵiro, ŵakupokera vinthu vyakukhumbikwira nga ni chakurya, maji ghakumwa, na munkhwala

• Wose awo ŵakuchitako ntchito yakupeleka wovwiri ŵakulondezga ulongozgi wa umo ŵangajivikililira ku muliri wa COVID-19

Ŵabali ŵithu ŵakanozgekera kweniso ŵakamanya icho ŵangachita para soka lachitika. Ndiposo ŵakapulikira ulongozgi wa boma na kufumako ku vigaŵa vyakofya. Vyose ivyo ŵakachita vikawovwira kuti ŵaponoske umoyo.—Zintharika 22:3.