Arkansas, Mississippi, cha kumanjiliro gha dazi kwa Louisiana, na Texas

• Pa August 27, 2020 chimphepo chankhongono cha Hurricane Laura chikaputa kumanjiliro gha dazi kwa Louisiana, ndipo chikasakaza katundu munandi kweniso chikapangiska kuti magesi ghazimwe kwa nyengo yitali

• Chachitima ntchakuti mudumbu munyake muchekuru wali kufwa apo ŵakafumanga nayo mu chipatala kuchimbira chimphepo ichi

• Mudumbu munyake wakapwetekeka pachoko waka

• Ŵapharazgi 3,992 ŵakasamuka dankha mu nyumba zawo

• Nyumba 10 za ŵabali ŵithu zili kunangikirathu

• Nyumba 95 za ŵabali ŵithu na Nyumba za Ufumu zinayi zili kunangika chomene

• Nyumba 192 za ŵabali ŵithu na Nyumba za Ufumu 16 zili kunangika pachoko waka

• Ofesi ya Munthavi ya United States yili kupanga Komiti Yakovwira Para kwachitika Soka

• Ŵalaŵiliri ŵa dera ŵakugwira ntchito pamoza na ŵalara mu mipingo kuti ŵapeleke wovwiri ku awo ŵasamuka dankha mu nyumba zawo, mwakuti ŵasange malo ghakukhala ghawemi na ghakuvikilirika.

• Ŵabali awo ŵakukhala kufupi na uko kwachitika soka ili ŵakanozga malo mu nyumba zawo kuti muzakafikire ŵabali awo ŵakasamuka mu nyumba zawo, ŵakachita nthena uku ŵakulondezga malango agho ghalipo chifukwa cha muliri wa COVID-19. Mubali munyake uyo wali kusamuka wakati: “Vyose ivi tikuviwona kuti ni vitumbiko vyakufuma kwa Yehova!”

Chifukwa chakuti ŵabali ŵa ku vigaŵa ivi ŵakupulikira ulongozgi kweniso ŵakovwira ŵanyawo awo ŵakukhumbikwira wovwiri, vyalongora pakweru kuti iwo “mbateŵeti ŵa Chiuta.”—2 Ŵakorinte 6:4.