California, Oregon, na Washington

• Moto uwo ukwenda mwaluŵiro chomene wabuka maekala ghakukwana 5 miliyoni, kufuma ku California kukafika ku Washington

• Moto uwu ukupangiska kuti mphepo yilutilire kunangika

• Moto uwo ukubuka mu vigaŵa vinyake ngukuru chomene ndipo nkhakwamba kuti ku California kubuke moto wakofya nthena

• Ŵapharazgi 4,546 ŵasamuka dankha mu nyumba zawo

• Nyumba 61 za ŵabali ŵithu zili kunangika chomene

• Nyumba 16 za ŵabali ŵithu zanangika pachoko waka

• Makomiti Ghakovwira Para Kwachitika Soka, ŵalaŵiliri ŵa dera, na ŵalara mu mpingo, ŵakugwira ntchito mwakukolerana kuti ŵawovwire ŵabali na ŵadumbu awo ŵakhwaskika ndipo ŵasamuka dankha mu nyumba zawo chifukwa cha soka ili. Ŵakupeleka wovwiri uwu uku ŵakulondezga malango agho ghali kuŵikika chifukwa cha muliri wa COVID-19

Ŵapharazgi awo ŵakhwaskika na soka ili ŵajiwonera ŵekha umo Yehova wakuŵawovwilira kwizira mu gulu lake. Mudumbu munyake uyo nyumba yake yili kunangika, wakati ŵabali ŵithu “ŵakatipa vyose ivyo tikakhumbikwiranga ndipo vinyake taŵenecho tikamanyanga yayi kuti ndivyo tikukhumbikwira.”

Nangauli ŵabali na ŵadumbu ŵithu awo ŵali ku vigaŵa ivyo vyakhwaskika na soka ili ŵachali mu suzgo, kweni ŵakujiwonera ŵekha umo Yehova wakuŵapwelelera mwachitemwa kweniso mwalusungu.—Yakobe 5:11.