Kumpoto kwa California na Oregon

• Ŵaleza 14,000 awo ŵakawa kweniso na vinthu vinyake vyapangiska kuti moto ubuke ku malo ghakujumpha 700, ndipo wabuka maekala ghakujumpha 1 miliyoni kumpoto kwa California na vigaŵa vinyake vya Oregon

• Josi na vyoto vyananga mphepo ku malo agha. Pa August 21, pakafumiskika lipoti lakuti kumpoto kwa California ndiko kuli mphepo ziheni chomene kuluska malo ghalighose pa charu

• Moto uwo uchali kubuka ku malo ghaŵiri, ndiwo ngwachiŵiri na wachitatu pa moto wakofya chomene uwo uli kubukapo ku California

• Ŵapharazgi 936, ŵakasamuka dankha mu nyumba zawo

• Nyumba ziŵiri za ŵapharazgi zanangika

• Komiti Yakovwira Para Kwachitika Soka, ŵalaŵiliri ŵa dera, na ŵalara mu mpingo ŵakugwira ntchito mwakukolerana kuti ŵawovwire awo ŵakhwaskika na soka ili

Ŵabali na ŵadumbu ŵithu ŵakuwonga chomene wovwiri uwo ŵakupokera kufuma ku ŵabali ŵawo. Mubali munyake wakati: “Nanga tingakumana na suzgo la mtundu wuli, ŵabali na ŵadumbu ŵithu mbakunozgeka kutovwira. Tose tili mbumba yimoza.” Ntchito yakovwira para kwachitika soka iyo yikuchitika, mbukaboni wakulongora kuti palije icho chingatipatura ku “chitemwa cha Chiuta.”—Ŵaroma 8:39.