Vigaŵa vya kumwera kwa United States

• Kwamba waka pa February 13, 2021, ku vigaŵa vya kumwera kwa United States kukaputanga vimphepo vyankhongono chomene. Ku Texas ndiko vinthu vikasakazika chomene. Chiwuvi na maji ghakukhoma kweniso chifukwa chakuti kukazizimanga chomene, vikapangiska kuti ŵanthu ŵakhale kwambura magesi kwa tumazuŵa, ndiposo vinthu vinyake vikanangika chifukwa maji ghakakhoma mu mapayipi

• Ŵapharazgi 11 ŵakakhumbikwiranga wovwiri wa ku chipatala

• Ŵapharazgi 94 ŵakapwetekeka pachoko waka

• Ŵapharazgi 7,650 ŵakasamuka dankha mu nyumba zawo

• Nyumba za Ufumu 14 na Holo yimoza yakuchitiramo maungano ghakurughakuru, vikanangika pachoko waka

• Nyumba za Ufumu 5, zikanangika chomene

• Nyumba 3,224 zikanangika pachoko waka

• Nyumba 113 zikanangika chomene

• Nyumba 12 zikanangikirathu

• Ŵalaŵiliri ŵa dera na ŵalara mu mpingo ŵakagwiranga ntchito lumoza na Komiti Yakovwira Para Kwachitika Soka iyo yikapangika chifukwa cha muliri wa COVID-19, kuti ŵapeleke wovwiri ku ŵabali. Wovwiri nga ni maji ghawemi ghakumwa na kunozga nyumba kweniso Nyumba za Ufumu izo zikakhumbikwanga kunozgeka mwaluŵiro. Ŵabali ŵakanozgangaso malo ghakukolerapo waka ghakuti ŵakhalemo awo ŵakasamuka mu nyumba zawo. Wose awo ŵakachitanga ntchito yakovwira iyi ŵakalondezganga malango agho ghali kuŵikika chifukwa cha muliri wa COVID-19

Ndise ŵakukondwa chomene kuwona kuti Yehova wakuŵakhozga awo ŵakhwaskika na masoka ghanthena agha.—2 Ŵakorinte 1:3.