Kwamba pa December 10, 2021, vimphepo vya tornado vikaputa mu vigaŵa 8 vya kumwera na pakati ku United States, ndipo vikasakaza vinthu pa mtunda wa makilomita 402. Vimphepo ivi vikakoma ŵanthu ŵanandi, kweniso nyumba zinandi zikanangikirathu. Ku Kentucky ndiko vinthu vikasakazika chomene.

• Palije yumoza wa ŵabali ŵithu uyo wapwetekeka panji kufwa

• Ŵapharazgi 31 ŵakafumamo dankha mu nyumba zawo

• Nyumba 10 zikanangika pachoko waka

• Nyumba zitatu zikanangika chomene

• Nyumba 9 zikanangikirathu

• Ŵalaŵiliri ŵa dera na ŵalara mu mipingo ŵakukhozga mwauzimu mbumba izo zakhwaskika

• Ntchito yose yakupeleka wovwiri yikuchitika mwakulondezga malango ghakujivikililira ku muliri wa COVID-19

Tili na chigomezgo chose kuti Yehova wakuŵalengera lusungu chomene ŵabali na ŵadumbu ŵithu awo ŵakutambura na masuzgo agho ghakwamba chifukwa cha masoka gha chilengiwa agha.—Yesaya 63:9.