Pa August 8, 2023, chimphepo chankhongono icho chikafuma ku nyanja chikapangiska kuti moto uparake chomene ku Maui, chirwa chachiŵiri icho ntchikuru chomene ku Hawaii, U.S.A. Moto uwu ukananga vinthu ivyo vikovwira kuti ŵanthu ŵayowoyeskanenge, nyumba, na mabizinesi. Ŵalaraŵalara ŵaboma ŵakalangura kuti ŵanthu ŵachimbiremo mu nyumba zawo. Ndipo ŵanthu pafupifupi 97 ŵali kufwa. Ŵakuzimwiska moto ŵachali kulimbana na kuzimwa moto uwo uchali kulirima mu chirwa chikuru cha Hawaii.

Lipoti lakulondezgapo ili ŵakatuma mbabali ngozi iyi yati yachitika waka.

• Chachitima ntchakuti mubali yumoza wachilara wali kufwa chifukwa cha ngozi ya moto iyi

• Ŵapharazgi 307 ŵali kusamuka mu nyumba zawo

• Nyumba 42 zili kunangikirathu

• Nyumba ziŵiri zili kunangika chomene

• Nyumba 38 zili kunangika pachoko waka

• Nyumba ya Ufumu yimoza yili kunangika pachoko waka

• Ŵalaŵiliri ŵa dera na ŵabali ŵalara ŵakupeleka wovwiri wakwenelera kweniso kukhozga ŵabali mwauzimu awo ŵakukhala mu vigaŵa ivyo vili kukhwaskika

• Komiti Yakovwira Para Kwachitika Soka yili kupangika kuti yidangilire pa mulimo wakupeleka wovwiri

Tili ŵakunweka kuzakawona apo Ufumu wa Chiuta uzamuwuskirapo masuzgo ghose agho ghakwiza chifukwa chakusintha kwa nyengo, agho ghakukhwaska ŵanthu ŵanandi mu nyengo zaumaliro izi kusazgapo ŵabali na ŵadumbu ŵithu.—Mariko 4:39.