Moto wakofya uwo ukamba kubuka pa July 23, 2018 uchali kulutilira ku Redding, California. Kufuma waka apo moto uwu ukambira, wakoma ŵanthu 8, ndipo wasakaza malo ghakukwana maekara 110,000, kweniso nyumba zakujumpha 1,300.

Pasono palije Kaboni wa Yehova uyo wapwetekeka chomene, nangauli yumoza mwa ŵabali ŵithu wakapwetekeka pachoko waka panyengo iyo wakawovwiranga awo ŵakuzimwiska moto. Nyumba za ŵabali na ŵadumbu 454 zili kusakazika, ndipo pasono ŵanyake ŵakukhala na Ŵakaboni ŵanyawo, panji ŵabali ŵawo. Nyumba 12 za Ŵakaboni ŵa Yehova zili kusakazikirathu.

Pa nyengo yakusuzga iyi, ŵalaŵiliri ŵa dera pamoza na ŵabali ŵalara mu mipingo, ŵakupeleka wovwiri wauzimu kweniso wakuthupi ku ŵabali na ŵadumbu ŵithu aŵa.—Zintharika 17:17.