JUNE 17, 2002—Khoti Likuru Chomene ku U.S. likakhozgeraso ivyo likadumura mu 1940 kuti Ŵakaboni ŵa Yehova mbakuvikilirika na malango ndipo ŵali na wanangwa kupharazga kulikose (Watchtower Bible and Tract Society of New York, Inc. V. Village of Stratton)

AUGUST 1998—Chiŵelengero cha Ŵakaboni ŵa Yehova ku United States chikajumpha pa 1 miliyoni

APRIL 15, 1992—Pa mulandu wa  Pater v. Pater, Khoti Likuru chomene ku Ohio likakolerana na ivyo khoti linyake likuru likadumura kuti khoti lichoko likaŵavya wenelero wakuswa wanangwa wamunthu chifukwa cha chisopa chake

OCTOBER 30, 1985—Khoti Likuru Chomene ku Mississippi likadumura kuti munthu wali na wanangwa kukana kupokera ndopa para wakovwirika ku Chipatara kweniso wali na wanangwa kusankha chisopa icho wangaŵamo ndipo ngwakuvikilirika na malango usange wasankha nthena (In re Brown)

AUGUST 31, 1972—Khoti mu chigaŵa cha Columbia likayowoya kuti boma likwenera kuchindika wanangwa wa munthu uyo ni mulara para wakukana kupokera ndopa chifukwa wakuŵa kuti wakumanya ivyo wakuchita ndipo malango gha boma ghakumuvikilira usange wasankha nthena (In re Osborne)

NOVEMBER 30, 1953—Khoti Likuru Chomene ku U.S. likayowoya kuti para munthu wali mu uteŵeti wanyengozose chikung’anamura kuti walekenge kunjira usilikari yayi (Dickinson v. United States)

1944—Nkhaza izo ŵanthu ŵakaŵachitiranga Ŵakaboni ŵa Yehova zikachepako

JUNE 14, 1943—Khoti Likuru Chomene ku U.S. likasintha ivyo vikadumurika pa mulandu wa Gobitis ndipo likayowoya kuti kuchichizga mwana uyo ni Kaboni wa Yehova kuti wasindamirenge ndembera nkhumuswera wanangwa wake wakuyowoya kweniso wa chisopa (West Virginia State Board of Education v. Barnette)

MAY 3, 1943—Khoti Likuru Chomene ku U.S. likawuskapo dango ilo likapangiskanga kuti Ŵakaboni ŵa Yehova ŵalipirenge dankha pambere ŵandambe kugaŵa mabuku ghawo ghakukhwaskana na chisopa (Murdock v. Pennsylvania)

JUNE 3, 1940—Khoti Likuru Chomene ku U.S. likadumura kuti waliyose mu masukulu gha boma wakwenera kusindamira ndembera (Minersville School District v. Gobitis) ivi vikapangiska kuti Ŵakaboni ŵa Yehova ŵambe kutambuzgika

MAY 20, 1940—Khoti Likuru Chomene ku U.S. likadumura kuti boma kweniso ŵalongozgi mu vikaya ŵakwenera kuchindika dango lakuti munthu waliyose wali na wanangwa wakusankha chisopa chake na kulondezga vigomezgo vyake. Kweniso likayowoya kuti Ŵakaboni ŵa Yehova mbanthu ŵamtende (Cantwell v. Connecticut)

MARCH 28, 1938—Khoti Likuru Chomene ku U.S. likawuskapo dango ilo likapangiskanga kuti Ŵakaboni ŵa Yehova wapemphenge dankha chizomerezgo pambere ŵandambe kugaŵira mabuku ghawo (Lovell v. City of Griffin)

JULY 26, 1931—Ŵasambiri ŵa Baibolo ŵakamba kumanyikwa na zina lakuti Ŵakaboni ŵa Yehova

MAY 14, 1919—Ŵimiliri ŵa gulu la Watch Tower Bible and Tract Society of Pennsylvania awo ŵakakakika ŵakaŵafwatura ndipo ŵakati ŵalije mulandu

JUNE 20, 1918—Ŵimiliri ŵa gulu la Watch Tower Bible and Tract Society of Pennsylvania ŵakakakika ndipo ŵakaŵasanga na mulandu wakuthandazga mabuku agho ŵamazaza ŵakatenge ghakukanizga Ŵakhristu kuchita nkhondo

MARCH 4, 1909—Gulu la Watchtower Bible and Tract Society of New York, Inc., ilo pakwamba likamanyikwanga kuti Peoples Pulpit Association likapangika

JANUARY 31, 1909—Ŵasambiri ŵa Baibolo ŵakasamuskira ofesi yawo yikuru ku Brooklyn, New York

DECEMBER 15, 1884—Gulu lakumanyikwa kuti Watch Tower Bible and Tract Society of Pennsylvania, likapangika

1880—Ŵasambiri ŵa Baibolo ŵakakhazikiska likuru lawo ku Allegheny, Pennsylvania

JULY 1879—Magazini yakwamba iyo pasono yikumanyikwa kuti Gongwe la Mulinda yikafumiskika

1870—Charles Taze Russell na ŵanyake ŵakambiska kagulu ka kusambira Baibolo ku Allegheny, Pennsylvania ndipo ŵakamba kumanyikwa kuti Ŵasambiri ŵa Baibolo