Vimphepo viŵiri vyankhongono vikananga vinthu ku Vanuatu pakati pa March 1 na 4, 2023. Chimphepo chakwamba chakuchemeka Judy, chikanangako makora vinthu. Kufuma apo chimphepo chakuchemeka Kevin chikachitikaso ku malo ghakughana waka. Chimphepo ichi chikananga chomene vinthu pa virwa vinandi kumwera kwa charu ichi kusazgapo ku chirwa chikuru chakumanyikwa kuti Efate.

• Palije mubali panji mudumbu withu uyo wali kupwetekekapo

• Nyumba zitatu zili kunangika

• Nyumba 30 zili kunangika pachoko waka

• Nyumba za Ufumu ziŵiri zili kunangika

• Ŵalaŵiliri ŵadera na ŵalara ŵa ku malo agha ŵakovwira awo ŵali kukhwaskika

• Komiti Yakovwira Para Kwachitika Soka yili kupangika kuti yidangilire pa mulimo wakupeleka wovwiri

Nangauli ŵabali na ŵadumbu ŵithu ku Vanuatu ŵali mu masuzgo, kweni tili na chigomezgo chose kuti Yehova walutilirenge ‘kuŵasanguluska na kuŵazikiska mtima’ nyengo zose.—Salimo 94:19.