E isi ne nai vaega e fakaaoga i te JW Library ke faka‵lei aka tau faitauga. E maua eiloa a mea konei i te feitu fakaatamai ki luga i te taimi e faitau ei koe ki se mataupu.

Tautali atu ki fakatonutonuga konei ke fakafaigofie aka ei tau faitauga:

•  ‵Fuli te Fakailoga o ‵Gana

•  ‵Fuli te Text Settings

•  Onoono ki te Image io me ko te Text

•  Open in . . .

•  Fakafaigofie te Onoono ki Tusi Tapu

E mafai o ‵fuli ne koe a te ‵gana o te mataupu e faitau koe ki ei.

• ‵Toko i te Languages ke lavea atu a ‵gana katoa e maua ei a te mataupu e faitau koe ki ei. E ‵sae mai a ‵gana e fakaaoga ‵soko ne koe i te kamataga. Ka sae mai foki i konei a The Watchtower i te lōmiga faigofie. E mafai foki o ‵sala atu ki te ‵gana mai te taipa atu fua o te ‵gana ki ei.

• A ‵gana kolā e seki ‵kopi mai e maua eiloa a te fakailoga o se kaumana. ‵Toko se ‵gana ke ‵kopi mai i ei te tusi. Kafai ko oti ne ‵kopi mai i te itaneti, ko galo atu ei te fakailoga o te kaumana. Toe ‵toko atu ei te ‵gana ke faitau ki ei.

E mafai o ‵fuli ne koe te ‵lasi o mataimanu ki te lasi telā e ‵lei ki tau faitau.

E mafai o onoono ki ata io me ko pati i nisi mataupu. ‵Toko te fakailoga tonu ko te mea ke fulifuli ki mea konā.

• View Image: A te image view e fakaasi mai i ei te ata e maua i te tusi. E ‵lei ki nisi tino a te mea tenei i tusi e pelā mo te tusi pese, telā e fakaasi mai i ei a nota.

• View Text: A te text view ne pati fua kae e maua foki i ei a tusi fai‵tau kolā e mafai o ‵toko ke fanatu ki ei i te Tusi Tapu, kae mafai o fulifuli te lasi o te mataimanu i ei.

A te Open in . . . e mafai ei o onoono koe ki mea i te JW Library i nisi polokalame.

Kafai ko ‵toko ki se tusi faitau i se tusi, e ‵sae mai a fuaiupu. ‵Toko te Customize mai lalo i fuaiupu konā ke filifili a Tusi Tapu kolā e fia faka‵sae ne koe i tau fakasologa.

Ke onoono ki te “‵Kopi Kae Fakatoka a Tusi Tapu​—Android” ke tauloto ki te auala ke fakaopoopo atu a Tusi Tapu i te JW Library.