JW LIBRARY
Fakamailoga a Tali—Android
I te taimi e faitau kae sukesuke koe ki tusi i te JW Library, e mafai o fakamailoga ne koe a pati io me ko fuaiupu.
Tautali atu ki fakatonutonuga konei ke fakamailoga a tali:
Fakaaoga se ‵Kala Fou
E lua a auala ke fakamailoga se vaega i te fuaiupu.
‵Toko kae taofi i se pati ke filifili aka. Ko fakaaoga ei ne koe a fakailoga i feitu ke filifili a mea ke fakamailoga. Kafai ko sae mai se tamā pokisi, ko ‵toko i Fakamailoga ko filifili aka ei se ‵kala ke fakamailoga ki ei tau mataupu.
Ke fakamailoga se pati io me se fuaiupu ki te faiga tenei, fakapatele, taofi, ko ‵sele ei. I te taimi e ‵sele ei ne koe, ko fakamailoga ei a pati io me ko te fuaiupu. Kafai ko oti, ko sae mai ei se tamā pokisi. E mafai o fakaaoga ne koe te koga tenei ke ‵fuli io me ke ‵solo te ‵kala.
‵Fuli te ‵Kala
Ke ‵fuli te ‵kala, ‵toko a fakamailoga ko filifili aka ei se ‵kala fou. Ke ‵solo a te fakamailogaga, ke ‵toko atu i koga ne fakamailoga, ko ‵toko ei te Delete.
Ne avanoa mai a vaega konei i a Novema 2015 i te JW Library 1.6, telā e mafai o fakaaoga i te Android 4.0 io me se mea fou. Kafai e se lavea ne koe a mea konei, fakamolemole ke tautali atu ki fakatonuga i te mataupu ko te “Kamata o Fakaaoga a te JW Library—Android,” mai lalo i te Get the Latest Features.
