I a Me 24, 2022, ne tupu se matuga fakalavelave i te tamā fa‵kai o Uvalde, Texas, U.S.A. E ‵tusa mo The New York Times, “ne tamate ne se tagata mo te fana a tama‵liki e toko 19 kae e aofia i ei a faiakoga e tokolua . . . i te Robb Elementary School.”

 Se mea fakafanoanoa, me ko ‵tupu ‵soko a vaega mea matagā penei. Ne fai mai te USA Today me i Amelika fua, “ko ‵tusa mo te 249 a fanafanaga i akoga i te tausaga ko teka—telā ko sili atu i so se tausaga talu mai te 1970.”

 Kaia e ‵tupu ei a mea matagā penei? E mafai pefea o fa‵ki tatou i vaegā faifaiga matagā penā? E mata, e isi se fakamoemoega ke fakagata atu a faifaiga fakasaua konā? E tuku mai a tali i te Tusi Tapu.

•    E fakamatala mai i te Tusi Tapu me e taku ‵tou aso nei ki “aso fakaoti” telā ka “seai se alofa masani” i tino e tokouke kae “e amio fakasaua,” kolā ka fai ei ne latou a amioga ma‵sei kae fakasaua. A latou kolā e fakaasi atu ne latou a vaegā uiga penā, “ka gasolo aka mai te masei o na ma‵sei atu.” (2 Timoteo 3:1-5, 13) Ke iloa a nisi fakamatalaga, faitau ki te mataupu “Did the Bible Predict the Way People Think and Act Today?”

 E fesili mai a nisi tino, ‘Kaia e se taofi aka ei ne te Atua mea matagā penei ke se ‵tupu?’ Ke iloa te tali i te Tusi Tapu, faitau te ki te mataupu “E ‵Tupu a Mea Ma‵sei ki Tino ‵Lei—Kaia?”

•    “Me i mea katoa kolā ne tusi i aso mua ne tusi ke akoako ei tatou, me e auala i . . . fakamafanafanaga mai i Tusitusiga Tapu, ko mafai ei o maua ne tatou a te fakamoemoega.”—Loma 15:4.

 E mafai o fesoasoani atu a akoakoga fakavae i te Tusi Tapu ke mafai o fa‵ki koe i se lalolagi amio fakasaua. Onoono ki te Awake! ko te “Will Violence Ever End?” ke maua i ei a nisi fakamatalaga.

 Mō manatu fesoasoani ki te auala e mafai o fesoasoani atu a mātua ki olotou tama‵liki ke se ma‵taku ona ko tala fakasalalau, faitau ki te mataupu “Disturbing News Reports and Your Children.”

•    “Ka faka‵sao ne ia latou mai pulega fakasaua mo fakasauaga.”—Salamo 72:14.

•    “Ka tuki ne latou olotou pelu ke fai mo mea fakamalū laukele. Mo olotou tao ke fai mo naifi ‵vele vao. A te atufenua e tasi ka se toe sisi aka tena pelu o taua atu ki te suā atufenua, kae ka se toe tauloto latou ki te faiga o taua.”—Mika 4:3.

 Ka fai ne te Atua a mea kolā e se mafai ne tino o fai. Ka fakamasei ne Tena Malo faka-te-lagi a meatau katoa kae fakaseai atu foki a amioga fakasaua katoa. Ke iloa a nisi fakamatalaga e uiga ki mea ka fai ne te Malo o te Atua, faitau te ki te mataupu “‘Ka Lasi te Filemu’ e Maua Mai Lalo i te Pulega a te Malo o te Atua.”