I tena nofoga i te lalolagi, ne alofa malosi a Iesu ki tino ke oko foki loa ki te tuku atu o tena ola mō latou. (Mataio 20:28; Ioane 15:13) Ko pili foki o toe fakaasi mai ne ia tena alofa mō tino e auala i te fakaaogaga o tena tulaga pule e pelā me ko te Tupu o te Malo o te Atua ke fakagata aka ei a “taua i te lalolagi kātoa.”—Salamo 46:9.

 Onoono ki te auala e fakamatala mai i te Tusi Tapu a mea ka fai ne Iesu:

•   “Ka fakasao ne ia te tino mativa telā e tagi mō se fesoasoani, e pelā foki mo te tino malalo mo so se tino e seai sena fesoasoani. Ka alofa a ia ki tino ma‵lalo mo tino ma‵tiva, kae ka fakaola ne ia a tino ma‵tiva. Ka faka‵sao ne ia latou mai pulega fakasaua mo fakasauaga.”—Salamo 72:12-14.

 E fakaasi atu pefea ne tatou te loto fakafetai mō mea katoa ne fai ne Iesu mo mea ka fai ne ia mō tatou? I te Luka 22:19, ne fai atu a Iesu ki ana soko ke fakamanatu tena mate. Tenā te pogai e maopoopo faeloa a Molimau a Ieova i tausaga katoa, i te aso e fakamanatu ei tena mate. Ko ‵kami ne matou koe ke kau mai ke fakamanatu fakatasi ne tatou a te mate o Iesu i te Aso Sa, Mati 24, 2024.

‵Sala ki se Fakamanatuga