I a Me 19, 2022, ne lagona ne te Kaunisela Leoleo o Malo ‵Soko (United Nations Security Council) mai ofisa ma‵luga e sili atu i te 75 me “ko gasolo aka o masei a te sē lava o meakai i te lalolagi kātoa mai te COVID-19 mo mafuli‵fuliga o tau o aso, kae e mafai o iku atu ki te oge meakai ona ko te taua i Ukraine.” Mai tua malie ifo, ne faka‵pula mai ne The Economist me e “iku loa o tokouke atu a tino ka ‵mate fiakai i te lalolagi telā ko leva ne fepaki mo fakalavelave e uke, ona ko te taua.” Ne ‵valo mai i te Tusi Tapu me ka ‵tupu a fakalavelave penā i mea tau meakai, kae e fesoasoani mai foki ke iloa ne tatou o fakafesagai atu ki ei.

•    Ne ‵valo mai a Iesu: “Ka fai taua te suā atufenua ki te suā atufenua mo te suā malo ki te suā malo, kae ka oko mai a oge meakai.”—Mataio 24:7.

•    E fakamatala mai i te tusi o Fakaasiga i te Tusi Tapu a solofanua e fa mo tāgata faka‵tele i ei. E tasi te solofanua mo tena tagata fakatele e fakaata mai i ei a taua. E ‵soko atu ki ei a te suā solofanua mo tena tagata fakatele, telā e fakaata mai i ei a te ogega meakai, se taimi telā ka faigata ke maua a meakai kae ka fakamasiki aka i se auala se ē ‵tau ne tino a ‵togi o meakai. “Ne kilo atu au, matea ei ne au te solofanua uli. A te tino e sopo i ei e puke i tena lima a te fua fakatautau. Lagona ei ne au a te mea e pela mo se leo . . . A te ‵togi o te kuata pauna saito ko te ‵togi tena o te tino galue i te aso! A te ‵togi foki o te tolu kuata pauna kalite, ko te ‵togi foki o te tino galue i te aso.’”—Fakaasiga 6:5, 6, Tusi Tapu Tuvalu.

 Ko fakataunu a valoaga i te Tusi Tapu e uiga ki ogega meakai i te taimi e taku i te Tusi Tapu ki “aso fakaoti.” (2 Timoteo 3:1) Ke iloa a nisi mea e uiga ki “aso fakaoti” mo solofanua e fa mo tāgata faka‵tele, onoono ki te vitio Ne ‵Fuli te Lalolagi Talu Mai te 1914 kae faitau ki te mataupu “The Four Horsemen—Who Are They?”

•    E maua i te Tusi Tapu a manatu fesoasoani aoga kolā e mafai o fesoasoani mai ke fakafesagai atu ki fakanofonofoga faiga‵ta, e aofia i ei a te ‵togi ‵mafa o meakai io me ke oko ki ogega mea‵kai. Onoono ki nisi fakaakoakoga i te mataupu “How to Live on Less.”

•    E tuku mai foki i te Tusi Tapu a te fakamoemoega me ka gasolo o ‵lei a mea katoa. E folafola mai i ei e uiga ki se taimi telā “ka malaku eiloa a saito i te laukele” kae ka uke a mea‵kai mō tino katoa. (Salamo 72:16) Ke iloa a mea e uke atu e uiga ki te fakamoemoega i te Tusi Tapu mō aso mai mua mo te pogai e mafai o talitonu koe ki ei, faitau ki te mataupu “A Real Hope for a Better Tomorrow.”