Koi tumau loa te tigaina mo te logo‵mae o tino i te lalolagi kātoa ona ko taua. Ke mafau‵fau ki nāi lipoti konei:

•   “I te tausaga ko teka, ko tokouke a tino ne ‵mate i taua, maise ko taua i Aitiope mo Ukraine, i lō tausaga mai mua atu talu mai te 1994.”—Peace Research Institute Oslo, Iuni 7, 2023.

•   “A te taua i Ukraine se kinauga e tasi fua telā ne gasolo o masei atu i te 2022. I te lalolagi kātoa, ne gasolo aka ki te 27% te aofaki o fakasauaga ne iku mai i mea fakapolitiki i te tausaga ko teka kae ne pokotia i ei se 1.7 piliona o tino.”—The Armed Conflict Location & Event Data Project (ACLED), Fepuali 8, 2023.

 E fakaasi mai i te Tusi Tapu se fakamoemoega gali. E fai mai me “ka fakatu aka . . . ne te Atua o te lagi se malo telā ka se mafai o fakaseai.” (Tanielu 2:44) Kafai ko pule mai te Malo tenā, ka aumai ei ne te Atua a “te gataga ki taua i te lalolagi kātoa.”—Salamo 46:9.