“E tiga loa ko se ‵pisi malosi te COVID-19 i te lalolagi kātoa kae koi mafai loa o fakamataku ki te ola ‵lei o tino i te lalolagi kātoa.. . . Kafai ko poko te suā famai ‵pisi—se mea telā ka tupu eiloa—e ‵tau mo tatou o toka.”—Dr. Tedros Adhanom Ghebreyesus, te pule o te World Health Organization, Me 22, 2023.

 Koi ‵poko eiloa a tino e tokouke i te famai ‵pisi ko te COVID-19 kae pokotia foki te tulaga o olotou mafaufau. E mata, e mafai o toka a malo mo fakapotopotoga o fakaimasaki māfai ko toe poko te suā famai ‵pisi, kae mata e mafai o faka‵lei ne latou a masaki konei e pokotia tatou i ei i aso nei?

 E faipati te Tusi Tapu e uiga ki se malo telā ka fakatoka ne ia te ola ‵lei e ma‵nako tatou ki ei. E fai mai me “ka fakatu aka . . . ne te Atua o te lagi se malo.” (Tanielu 2:44) Kafai ko pule mai te malo tenā, “ka seai se tino e fai aka: ‘Au ko masaki.’” (Isaia 33:24) Ka ola ‵lei a tino katoa kae maua ne latou te malosi fou.—Iopu 33:25.