E ‵tusa mo te World Health Organization (WHO), i a Me 23, 2022, ko toko 6.27 miliona a tino ne ‵mate i te COVID-19. Kae e ‵tusa mo te ‵tala ne faka‵pa mai i a Me 5, 2022, ne fakatautau aka ne te WHO me e sili atu te aofaki o tino ne ‵mate mai i e. E fai pelā me i te 2020 mo te 2021, “a te aofaki kātoa o tino ne ‵mate ona ko ikuga ‵tonu io me ko nisi tulaga mai te masaki ‵pisi ko te COVID-19 . . . e nofo pelā ki te 14.9 miliona.” E mata, e isi ne pati i te Tusi Tapu e uiga ki fakalavelave faiga‵ta penā?

•    Ne ‵valo mai ne Iesu me ka isi ne “masaki ‵pisi fakama‵taku,” i taimi e taku ko “aso fakaoti.”—Luka 21:11, Contemporary English Version; 2 Timoteo 3:1.

 Ko fakataunu te valoaga a Iesu i aso nei. Ke maua a nisi fakamatalaga, faitau ki te mataupu “Se a te Fakailoga o ‘Aso Fakaoti,’ io me ko ‘Taimi o te Gataga’?”

•    “Te Atua o fakamafanafanaga katoa . . . e fakamafanafana mai ki a tatou i ‵tou tofotofoga katoa.”—2 Kolinito 1:3, 4.

 Ne maua ne tino e tokouke kolā ne ‵galo olotou tino pele i te mate a fakamafanafanaga i te fekau i te Tusi Tapu. Tauloto ki mea e uke atu i mataupu “Fesoasoani mō Latou Kolā e Fanoa‵noa—Mea e Mafai ne Koe o Fai i Aso Nei” mo te “Te ‵Toe Fesoasoani Sili mō Latou Kolā e Fanoa‵noa.”

•    “Ke oko mai tou Malo. Ke fai te mea e loto koe ki ei i te lalolagi nei e pelā mo te faiga i te lagi.”—Mataio 6:10.

 Ko pili o fakamautinoa aka ne “te Malo o te Atua” me ka “ka seai se tino e fai aka: “Au ko masaki.’” (Maleko 1:14, 15; Isaia 33:24) Onoono ki te vitio Se a te Malo o te Atua? ke iloa me se a te malo faka-te-lagi tenei mo mea ka fai ne ia.

 E ‵kami ne matou koe ke tauloto ki mea e uke atu e uiga ki pati i te Tusi Tapu ko te mea ke maua ne koe mo tou kāiga a mea aoga mai manatu fakatonutonu ‵poto mo folafolaga fakamalosi loto i ei.