I te ukega o taimi e lagona ne tatou a tala e uiga ki fakalavelave i loto i kāiga telā ne iku atu ei ki te sē manuia. Kae se a la te mea tonu ne fai ne kāiga kolā ne iku atu ei latou ki te manuia?

• Mai i te 1990 ki te 2015, ne fakalua taimi te lasi o avaga ne ‵tala i te Iunaite Sitete i a latou kolā e silia atu mo te 50 a olotou tausaga kae fakatolu taimi mō latou kolā e ‵nofo mai luga o te 65 a olotou tausaga.

• Ne ‵numi valevale loa a mātua: E ma‵natu aka nisi tino ‵poto ke fakatumau loa a te tuku atu o pati tavae ki tama‵liki, kae ko nisi e fai mai ke fakaasi atu a te alofa i se auala makeke.

• Ko ‵tupu aka a tama‵liki konei ki te tulaga ma‵tua e aunoa mo te iloa mo te atamai e manakogina ke manuia latou.

E tiga i ei, a te ‵tonuga loa . . .

• A te fakaipoipoga e mafai o fai pelā me se fesokotakiga fiafia kae tumau.

• E tauloto ne mātua a te auala ke polopoloki ne latou a olotou tama‵liki i te auala alofa.

• E mafai eiloa ne tama‵liki o maua a te iloa mo te atamai e manakogina i te taimi e ma‵tua ei latou.

Pefea la? A te lōmiga tenei o te Ala Mai! ka fakaasi mai ei a auala e 12 ke maua ei se kāiga manuia.