ALA MAI! Napa 1 2024 | Kaia ko se Āva ei a Tino
E pelā mo itukāiga manu kolā ko gasolo o se uke io me ko kamata o ‵galo atu i ‵tou aso nei, e penā foki a te uiga āva, ko se lasi te fakaasi atu ne tino.
E pelā me se fakaakoakoga, e tokouke a tino ko se āva malosi ki nisi tino, olotou mātua, tino ma‵tua, e penā foki ki pulisimani, tino pule‵pule, mo faiakoga. E se gata i ei, ko ‵fonu te itaneti i manatu sē āva o tino! E ‵tusa mo se fakamatalaga i te mataupu ko te Harvard Business Review, a te uiga sē āva “ko gasolo aka eiloa ki luga.” E fai mai foki te fakamatalaga me i tino ko gasolo eiloa o se āva.
Kaia ko se Āva ei a Tino ki Nisi Tino?
Tauloto ki te pogai e tāua ei ke āva ki nisi tino mo mea e mafai ne koe o fai ke fakaasi atu te āva.
Kaia ko se Āva ei a Tino ki te Ola?
Mafaufau ki te manatu fakatonutonu i te Tusi Tapu ki te auala e mafai o fakaasi atu ne tatou a te āva ki ‵tou ola penā foki mo ola o nisi tino.
Kaia ko se Āva ei a Tino ki Kāiga?
E mafai o fia‵fia a kāiga katoa māfai e fakatau fakaasi atu ne tino taki tokotasi i te kāiga a te āva.
Kaia ko se Āva ei a Tino ki a Latou Eiloa?
E mafai ne te Tusi Tapu o fesoasoani ki tino ke fakaaloalo ki a latou eiloa, ke momea aka te ‵lei o olotou olaga, kae ke āva ki a latou eiloa.
Kaia ko se Āva ei a Tino?
Faitau ki mataupu e uiga ki te āva mo mea e fai ne Molimau a Ieova ke gasolo o lasi te āva i fenua i te lalolagi kātoa.
