Kaia ko se Āva ei a Tino ki Kāiga?
TE POGAI E TĀUA EI KE ĀVA KI KĀIGA
A te āva ki kāiga e fakamalosi aka i ei te filemu i te va o tāgata mo fāfine a‵vaga, kae maua ne tamaliki se lagonaga tokagamalie.
-
E fai mai te tusi ko te The Seven Principles for Making Marriage Work me kafai e fakatau āva a taki tauavaga, ko fakaasi atu ne latou te atafai te suā tino ki te suā tino “e se i se auala lasi kae i tamā mea foki i aso takitasi.”
-
E fakaasi mai i sukesukega me i tama‵liki kolā e tauloto ke iloa o āva ki nisi tino e fia‵fia ki a latou eiloa, e ‵lei olotou fesokotakiga mo olotou mātua, kae se uke olotou fakalavelave i mea tau lagonaga mo te mafaufau.
MEA E MAFAI NE KOE O FAI
Fakatoka se palani, fakatasi mo tou kāiga. Muamua la, fakamautinoa aka me malamalama a tino o te kāiga i te uiga ke fakaasi atu te “āva.” Te lua, tusi ki lalo a mea e manako koe ke fai ne tou kāiga mo mea e se ‵tau o fai ne latou. Te tolu, sau‵tala ki te palani tenā pelā me se kāiga ko te mea ke iloa ne au tama‵liki—mo koe—a mea e mafai ne latou o fai ke fakaasi atu te āva.
Fai pelā me se fakaakoakoga ‵lei. E mata, e fakamasei ne koe tou kāiga ona ko olotou mea ‵se e fai, fakatauemu olotou manatu, kae sē saga io me fakalavelave atu māfai latou e fai‵pati ki a koe?
Manatu Fesoasoani: Fakaasi atu te āva ki tau avaga mo tama‵liki faitalia me e mafaufau koe me e ‵tau o fakaasi atu ki a latou io me ikai.
Ke āva māfai foki loa e se ‵lago koe ki te suā tino. Kafai e fakaasi atu ou lagonaga, kalo keatea mai te fai atu o vaegā pati penei, “koe ‵soko loa” io me “koe se mafai.” A vaegā pati se ‵lei penā ka fakalogo‵mae kae fakakaitaua ki te tino tenā kae fai ke gasolo o lasi atu te kinauga.
MEA E FAI NE MATOU
E fakamalosi ne Molimau a Ieova a kāiga ke fakatau āva te suā tino ki te suā tino, se mea telā ko sae mai faeloa i mataupu, tusi, polosiua mo vitio kolā e fakatoka ne matou kae e se ‵togi.
MŌ TINO A‵VAGA: A te fakasologa o mataupu Help for the Family e mafai o fesoasoani atu ki tāgata mo fāfine a‵vaga ke . . .
-
fai pelā me ne tino fakalogo‵logo faka‵lei
-
‵kalo kea‵tea mai te sē faipati te suā tino ki te suā tino
-
fakagata a kinauga
(‵Sala atu ki te “Help for the Family” i te jw.org)
MŌ MĀTUA: A te fakasologa o mataupu ko te Help for the Family e mafai o fesoasoani atu ki mātua ke akoako olotou tama‵liki ke . . .
-
faka‵logo
-
fesoasoani ki galuega i te fale
-
fai atu “fakamolemole” mo te “fakafetai”
(‵Sala ki te vaega ko te “Raising Children” mo te “Raising Teenagers” i te jw.org)
Onoono foki ki mataupu fakaopoopo ko te “Questions Parents Ask,” i te tusi ko te Questions Young People Ask—Answers That Work, Tusi 1. (‵Sala ki te “Questions Parents Ask” i te jw.org)
MŌ TAMA‵LIKI MO TALAVOU: E maua i te vaega Teens and Young Adults i te jw.org a mataupu, vitio, mo worksheets kolā e mafai o fesoasoani atu ki tama‵liki mo talavou ke . . .
-
‵lei olotou va mo olotou mātua mo taina mo tuagane
-
fai‵pati mo te āva ki mātua e uiga ki tulafono
-
tali‵tonu olotou mātua ki a latou
(‵Sala ki te vaega ko te “Teens and Young Adults” i te jw.org)
A te ‵tou fakatuatusi i te itaneti ko te jw.org e se ‵togi. E seai se ‵togi io me ko fakamatalaga totino e manakogina.
