Feitu Faka-te-Agaga
E pelā mo te mea ne fakamatala mai i te mataupu i te kamataga, e tokouke a tino e ‵kilo atu ki te Tusi Tapu e pelā me se tusi telā e tapu. E lavea ne latou me kafai e fai‵tau ki ei kae fakagalue aka a fakatakitakiga mai i ei, e fakamalosi aka i ei latou i te feitu faka-te-agaga kae kamata o iloa ne latou a te pogai e aoga i ei olotou olaga.
E fakaaoga i te Tusi Tapu a te pati “faka-te-agaga” ke fakasino atu ki te kilokiloga io me ko te auala ke fakafesagai atu ki mea o te olaga. (Iuta 18, 19) E se pelā mo te tino faka-te-foitino telā e saga malosi ki a ia eiloa, kae ko te tino faka-te-agaga e fakatāua ne ia a tulaga o te Atua.—Efeso 5:1.
FAKAMOEMOEGA
FAKATAKITAKIGA MAI TE TUSI TAPU: “Kafai koe e loto vāivāi i taimi o fakalavelave, ka foliki fua i ei a tou malosi.”—Faataoto 24:10, fml.
TE MEA E FAKAUIGA KI EI: A te loto vāivāi e mafai o ave kea‵tea ne ia a te malosi telā e manakogina ne tatou ko te mea ke fakafesagai atu ki fakalavelave i te olaga. I te suā feitu, e mafai o tuku mai ne te fakamoemoega a te loto malosi e manakogina ne tatou. E mafai o fakamafanafana ke iloa atu me i fakalavelave kolā e fe‵paki mo tatou e se tumau eiloa; a te ‵tonuga loa, e mafai eiloa o isi se mea ‵lei e maua ne tatou mai i ei.
MEA E MAFAI NE KOE O FAI: Taumafai ke maua se kilokiloga ‵lei e uiga ki aso mai mua. I lō te manavase e uiga ki mea kolā e mafai o ‵tupu io me faka‵tali ki taimi kolā ko ‵lei i ei a mea katoa, ke na gasuesue o kausaki atu ki ou fakamoemoega. E tonu, e mafai eiloa o ‵sae aka a “mea ‵tupu fakafuasei.” (Failauga 9:11) Kae ko te ‵tonuga loa, e mafai eiloa o ‵fuli a mea ki se tulaga telā e tai ‵lei i lō te mea ne fakamoe‵moe tatou ki ei. Tela la, e pelā eiloa mo te fakaakoakoga e uiga ki te tino fai fatoaga, e fai mai te Tusi Tapu: “‵Toki au fuaga i te tafataeao kae ke mo a eiloa ma mānava tou lima ke oko ki te afiafi; me e se iloa ne koe me kofea a mea ka manuia, ko te mea tenei io me ko te mea telā, io me ko te avā mea katoa ka ola aka.”—Failauga 11:6.
TALI KI TOE FESILI TĀUA I TE OLAGA
FAKATAKITAKIGA MAI TE TUSI TAPU: “Tuku mai ki a au te malamalama . . . Tau muna ko te munatonu.”—Salamo 119:144, 160.
TE MEA E FAKAUIGA KI EI: E tuku mai i te Tusi Tapu a tali ki fesili kolā e ‵sili mai ne te tokoukega o tino. E pelā me se fakaakoakoga, e tali aka i ei a vaegā fesili pelā mo fesili konei
-
Ne māfua mai fea tatou?
-
Kaia e ‵nofo ei tatou i konei?
-
Se a te mea e tupu māfai ko mate se tino?
-
E mata, ko gata eiloa i konei te olaga?
E lau i miliona o tino i te lalolagi kātoa ko oti ne maua ne latou se olaga tai ‵lei atu mai te suke‵suke ki tali o fesili konā mo nisi fesili tai uke atu kolā e maua i te Tusi Tapu.
MEA E MAFAI NE KOE O FAI: Iloilo aka ne koe eiloa me ne a mea e akoako mai i te Tusi Tapu. Fakamolemole atu ki se Molimau a Ieova mō se fesoasoani ke malamalama koe i te Tusi Tapu. Fano ki te motou fakatuatusi ko te jw.org, io me kau atu ki se fakatasiga a matou, telā e se ‵tae a ‵togi kae ‵tala atu ki so se tino.
NISI FAKATAKITAKIGA I TE TUSI TAPU
Onoono ki te vitio Kaia e ‵Tau ei o Suke‵suke ki te Tusi Tapu? i luga i te jw.org. E avanoa nei i ‵gana e silia atu i te 880
KE ILOA ‵LEI NE KOE OU MANAKOGA I TE FEITU FAKA-TE-AGAGA.
“E fia‵fia a latou kolā e iloa ‵lei ne latou olotou manakoga faka-te-agaga.”—MATAIO 5:3.
TAULOTO KI MEA E TAI UKE ATU E UIGA KI TE ATUA TELĀ NE AUMAI NE IA TE TUSI TAPU.
“‵Sala atu . . . ki te Atua . . . ka maua eiloa a ia . . . me i a Ia e se ‵mao mai i a tatou taki tokotasi.”—GALUEGA 17:27.
FAITAU KAE MAFAUFAU ‵LOTO KI TE FEKAU MAI TE TUSI TAPU.
“E fiafia a ia ki te tulafono a Ieova, * kae mafaufau ‵loto a ia ki Tena tulafono i te ao mo te po. . . . Kae ko mea katoa e fai ne ia ka manuia eiloa.”—SALAMO 1:2, 3, fml.
^ pala. 23 Ieova ko te igoa o te Atua telā ne fakaasi mai i te Tusi Tapu.
You May Also Like
TE FALELEOLEO MALUGA
E Fesoasoani Mai Pefea te Tusi Tapu ke Momea Aka te ‵Lei o Toku Olaga?
E maua i te tusi mua tenei a manatu fesoasoani aoga ‵ki.
