AUALA KE MANUMALO I LAGONAGA TAKALIALIA
1 | Sa Fakailoga Tino
Akoakoga i te Tusi Tapu:
“Te Atua e se fakailoga tino, kae ko [tino katoa] mai so se fenua [kolā] e ma‵taku ki a ia kae fai mea tonu e talia eiloa ne ia.”—GALUEGA 10:34, 35.
Tena Uiga:
A Ieova * te Atua e se fakamasino ne ia tatou e auala i ‵tou fenua, itukāiga, ‵lanu, io me ko tuu mo aganuu. Kae e saga a ia ki toe mea tāua—ko mea i ‵tou loto. E tonu, a “te tagata e kilo fua ki mea e lavea ki mata, kae ko Ieova e kilo ki te loto.”—1 Samuelu 16:7.
Mea e Mafai o Fai ne Koe:
E tiga eiloa e se iloa ne tatou a mea i loto o tino, e mafai o fakaakoako tatou ki te Atua kae ‵kilo atu ki nisi tino e aunoa mo te fakailoga tino. Taumafai o kilo ki tino taki tokotasi i lō te potukau e aofia a ia i ei. Kafai e maua ne koe a lagonaga sē ‵lei ki nisi tino—kāti ki tino mai nisi itukāiga io me ko olotou fenua—‵talo ki te Atua kae fakamolemole atu ke fesoasoani mai ki a koe ke tapale kea‵tea a uiga konā. (Salamo 139:23, 24) Kafai e fakamolemole atu koe mo te loto kātoa ki a Ieova ke tuku atu te malosi ke mo a koe ma fakailoga tino, e mafai o mautinoa i a koe me ka fakalogologo a ia ki tau ‵talo kae fesoasoani atu ki a koe.—1 Petelu 3:12.
^ pala. 6 Ieova ko te igoa totino o te Atua.—Salamo 83:18.
“Ne seki saga‵saga fakatasi muamua eiloa au mo se tino ‵kena . . . Nei la, ko aofia au i se kautaina tonu i te lalolagi kātoa.”—TITUS
You May Also Like
ALA MAI!
E Mata, e Pokotia Koe i ei?
Ne a nisi fakailoga e iloa atu ei me kāti e isi se uiga fakailoga tino i a tatou?
