Fakatalitonu: E ‵tusa mo se fakamatalaga e tasi, a te pati Eleni ki te “fakatalitonu” i te 2 Kolinito 1:22 se pati “tāua i mea fakapisinisi” telā e fakauiga ki se “tupe telā e ‵togi atu muamua, faulu, tinatina atu, tauto, telā e ‵togi atu i ei se vaega o te aofaki tupe kātoa ko te mea ke puipui ei se mea telā ne puke io me mafai o talia i ei se feagaiga.” E pelā mo te kau fakaekegina, a te ‵togi kātoa, io me ko te taui telā e e maua ne latou e fakamatala mai i te 2 Kolinito 5:1-5 telā e aofia i ei a te mauaga o se foitino telā e se pala i luga i te lagi. E aofia foki i te taui tenā a te mauaga o te meaalofa ko te sē toe mate.—1 Koli. 15:48-54.

I aso nei i Eleni, ne fakaaoga foki te pati tenā ki se mama telā e sai ei se feagaiga. E fetaui ‵lei eiloa a te fakatusaga tenei mō latou kolā ka fai pelā me se avaga fakatusa a Keliso.—2 Koli. 11:2; Faka. 21:2, 9.

Fakamailoga: I aso mua, e fakaaoga eiloa se fakamailoga e pelā me se sainaga o se tino ke fakatalitonu atu a te tino telā ne fai ne ia a te feagaiga tenā. E pelā mo te kau fakaekegina, ko oti eiloa ne “fakamailoga” io me ne māka latou i se auala fakatusa ne te agaga tapu ke fai pelā me ne kope o te Atua. (Efe. 1:13, 14) A te fakamailogaga tenei e fai i se taimi mai mua o mate atu se tino mo te fakamaoni io me i se taimi mai mua malie o kamata a te fakalavelave lasi.—Efe. 4:30; Fa. 7:2-4.