Kai faitau faka‵lei koe ki lōmiga o Te Faleleoleo Maluga o te tausaga tenei? Onoono aka me e mafai o tali mai ne koe a fesili konei:

Ka maua pefea ne tatou a mea aoga māfai e fakamāumāu ne tatou a taimi o fai‵pati, fakalogo‵logo, kae mafau‵fau e uiga ki a Ieova?

Ka momea aka te ‵lei o fakaikuga e fai ne tatou, momea ‵tou ‵lei e pelā me ne faiakoga, gasolo o malosi ‵tou fakatuanaki, kae penā foki mo ‵tou a‵lofa ki a Ieova.—w22.01, itu. 30-31.

Ka fesoasoani mai pefea a te fakamasani ke tali‵tonu tatou ki a Ieova mo ana sui?

Tenei te taimi ke fakamasani o tali‵tonu ki auala o te Atua e auala i te ‵kalo keatea mai te tuku taumate o fakatakitakiga mo fakaikuga a toeaina. Kafai ko kamata te fakalavelave lasi, ka toka tatou o faka‵logo ki so se fakatonuga telā e foliga fai fakaatea io me se ‵lei.—w22.02, itu. 4-6.

Se a te manatu o te agelu i te taimi ne fai atu ki a Sakalia e uiga “ki te uka levolo i te lima o [te Kovana ko] Selupapelu”? (Saka. 4:8-10)

Ne fakatalitonu atu a te fakaasiga ki tino o te Atua me ka fakaoti faka‵lei te faitega o te faletapu kae ka fetaui foki mo tulaga o te Atua.—w22.03, itu. 16-17.

E mafai pefea o fai tatou “mo fakaakoakoga . . . i [‵tou] pati”? (1 Timo. 4:12)

E faipati atu tatou i te atafai mo te āva i te ‵tou galuega talai, usu atu mo te loto kātoa kae fai faeloa ‵tou tali i fakatasiga, kae faipati ki te mea tonu kae ati aka nisi tino, mai te ‵kalo keatea mai pati faka‵mae loto.—w22.04, itu. 6-9.

Kaia e aofia katoa ei a uiga o manu fe‵kai e fa (malo) kolā ne taku mai i te Tanielu mataupu e 7 i te manu fekai e tasi telā e fakamatala mai i te Fakaasiga 13:1, 2?

A te manu fekai i te Fakaasiga 13 e se fakaata mai fua i ei se malo fakapito e tasi, e pelā mo Loma. I lō te fai penā, e fakaata mai i ei a malo fakapolitiki katoa kolā ne pule atu ki tino.—w22.05, itu. 9.

Se a te auala tāua ke fakaasi atu ‵tou loto tali‵tonu ki te fai mea tonu o te Atua?

Kafai e isi se tino ne fakasaua mai, fakalogo‵mae mai, io me ne agasala mai ki a tatou, e taumafai tatou o ‵kalo keatea mai te kaitaua mo te ita fakamoemoe, kae tuku atu ki lima o Ieova. Ka faka‵lei ne ia a logo‵maega katoa kolā ne māfua mai i te agasala.—w22.06, itu. 10-11.

Se a te mea e ‵tau o masaua faeloa ne se taina telā e fai ne ia te ‵talo i se fakatasiga?

E se ‵tau o fai a te ‵talo ke polopoloki a te fakapotopotoga io me ke fai atu se faka‵pulaga. E se manakogina ke “fakaukeuke otou pati., maise i te kamataga o se fakatasiga (Mata. 6:7)—w22.07, itu. 24-25.

Se a te uiga me “ka toe‵tu mai ki te fakamasinoga” a “latou kolā ne fai mea ma‵sei”? (Ioane 5:29)

Ka se fakamasino latou ona ko olotou olaga mua. Ka fakamasino latou e ‵tusa mo olotou kilokiloga mo amioga mai tua o te lotou toe‵tuga.—w22.09, itu. 18.

Se a te fakamalosiga gali ne fai atu ne J. F. Rutherford i te fono i a Setema 1922?

I se fono i Cedar Point, Ohio, U.S.A., ne fai mai a ia: “Ko pule mai te Tupu! A koutou ko ana avefekau. Tela la, fakasalalau, fakasalalau, fakasalalau, te Tupu mo tena Malo!”—w22.10, itu. 3-5.

Ne a auala e tolu e fakaasi mai i te Isaia mataupu e 30 kolā e fesoasoani mai te Atua ke kufaki tatou?

E fakaasi mai i te mataupu tenei me i a ia (1) e fakalogologo kae tali mai ki‵ tou ‵talo, (2) e tuku mai ne ia a fakatakitakiga mō tatou, kae ko te (3) e fakamanuia ne ia tatou i aso nei penā foki i aso mai mua.—w22.11, itu. 9.

Kaia e mafai o fakaiku aka ne tatou me ne isi se fakataunuga i aso mua o pati i te Salamo 37:10, 11, 29 kae ka isi foki sena fakataunuga i aso mai mua?

E fakaasi ‵tonu mai i pati a Tavita a fakanofonofoga ‵gali kolā ne maua atu i Isalaelu, i te taimi o te pulega a Solomona. Ne fakasino atu a Iesu ki te palataiso i aso mai mua kae siki mai ne ia te fuaiupu e 11. (Mata. 5:5; Luka 23:43)—w22.12, itu. 8-10, 14.