TE FALELEOLEO MALUGA (LŌMIGA MŌ SUKESUKEGA) Oketopa 2018
E aofia i te lōmiga tenei a mataupu mō sukesukega mō Tesema 3-30, 2018.
1918—Selau Tausaga ko ‵Teka
Koi fai eiloa te Taua Muamua I Eulopa, kae ne foliga ‵lei atu ki Tino A‵koga o te Tusi Tapu a mea ‵tupu talu mai te kamatamataga o te taua.
Fai‵pati ki te Mea Tonu
Kaia e ‵loi i ei a tino, kae ne a mea e mafai o iku mai i ei? E mafai pefea o fai‵pati tonu tatou te suā tino ki te suā tino?
Akoako Atu te Munatonu
Mai te ‵toega o te taimi tenei e ‵tau ei o talai atu tatou, e ‵tau o ‵saga tonu atu tatou o kamata a akoga faka-te-Tusi Tapu kae akoako a tino ki te munatonu. E mafai pefea o fakaaoga ne tatou a ‵tou Pusa o Mea Faigaluega mo Fai Akoakoga i te ‵tou galuega talai?
TALA `TONU
Ne Fakamanuia Eiloa ne Ieova Taku Fakaikuga
E pelā me se talavou, ne fakalauefa atu a te galuega talai a Charles Molohan mai te fakatagi atu ke galue a ia i te Peteli. Ne fakamanuia eiloa ne Ieova a ia mō se fia sefulu tausaga talu mai te taimi tenā.
Ke Loto Tali‵tonu ki te ‵Tou Takitaki ‵Lei—Te Keliso
Ona ko te gasue malielie ki mua a te fakapotopotoga a te Atua, ne a pogai e tali‵tonu ei tatou ki te takitakiga a Keliso i aso nei?
Fakatumau te Filemu i Loto Faitalia te Mafuli‵fuli o Fakanofonofoga
Kafai ko isi ne fakamafuli‵fuliga i ‵tou olaga kolā e seki fakamoemoegina, e mafai eiloa o loto mafatia tatou ona ko ‵fuliga kolā e fakafesagai tatou ki ei. E mafai pefea ne te ‘filemu o te Atua’ o fesoasoani mai ki a tatou i taimi o fakama‵fuliga konā?
Ne Iloa ne Koe?
A Setefano ko te matulo muamua eiloa i soko o Keliso. Ne mafai pefea o tumau a ia i te filemu i te taimi ne fakasauagina ei a ia?