MATAUPU MŌ SUKESUKEGA 35
E Fakatāua ne Ieova Ana Tavini Loto Maulalo
“Ieova . . . e masaua ne ia te tino loto maulalo.”—SALA. 138:6.
PESE 48 Sa‵sale mo Ieova i Aso Takitasi
FAKATOE‵TOEGA O MANATU TĀUA *
1. E pefea a lagonaga o Ieova e uiga ki tino loto maulalo? Fakamatala mai.
A IEOVA e alofa ki tino loto maulalo. Ko latou fua kolā e loto maulalo tonu e maua ne latou se fesokotakiga alofa kae ‵pili mo ia. I te suā feitu, a “te tino fakamaualuga e iloa fua ne ia mai i se koga ‵mao.” (Sala. 138:6) A tatou katoa e ma‵nako o fakafiafia a Ieova kae ma‵nako ki tena alofa, tela la e isi ne pogai ‵lei e tauloto ei tatou ki te auala ke ati aka a te loto maulalo.
2. Ne a mea ka sau‵tala tatou ki ei i te mataupu tenei?
2 I te mataupu tenei, ka sau‵tala tatou ki tali o fesili e tolu konei: (1) Se a te loto maulalo? (2) Kaia e ‵tau ei o ati aka ne tatou a te uiga tenā? (3) Ne a tulaga kolā e mafai o tofotofo aka i ei a te ‵tou loto maulalo? E pelā mo te mea ka lavea ne tatou, kafai e ati aka ne tatou a te loto maulalo, ko fakafiafia ne tatou a te loto o Ieova kae maua ne tatou a mea aoga mai i ei.—Faata. 27:11; Isa. 48:17.
SE A TE LOTO MAULALO?
3. Se a te loto maulalo?
3 A te tino loto maulalo e se mafaufau i a ia e sili fakafia atu i nisi tino, kae e se fakamatamata foki. E fakaasi mai i te Tusi Tapu me i te tino loto maulalo e maua ne ia se kilokiloga ‵lei e uiga ki tena fesokotakiga mo Ieova te Atua mo nisi tino. A te tino loto maulalo e malamalama me i tino katoa e ma‵luga fakafia atu i a ia i nisi feitu.—Fili. 2:3, 4.
4-5. Kaia e mafai o fai atu tatou me i te tino telā e foliga loto maulalo e se loto maulalo?
4 Nisi tino e fakafoliga atu fua i a latou e loto maulalo. Kāti latou ne tino mata ‵mā. Io me e uiga āva latou ona ko olotou tuu mo te auala ne puti aka ei latou. Kae ko te ‵tonuga loa, kāti e isi loa se uiga fakamatamata i a latou. Fakamuli loa, ka fakaasi mai ne latou me ko latou ne vaegā tino pefea.—Luka 6:45.
Ioa. 1:46, 47) Kae e ‵tau foki o fakaeteete latou konei ke mo a ma tō fakalago‵lago ki olotou iloa mo olotou mafaufauga totino. Faitalia me i a tatou ne tino kolā e fai‵pati ‵tonu io me ne tino mata ‵mā, e ‵tau mo tatou katoa o ga‵lue i te atiakaga o te uiga ko te loto maulalo.
5 I te suā feitu, a tino kolā e fai‵pati ‵tonu atu ne latou a mea e mafau‵fau latou ki ei, e se ne tino fakamata‵mata. (Ne maua ne te apositolo ko Paulo se kilokiloga loto maulalo ki a ia eiloa (Ke onoono ki te palakalafa e 6) *
6. E pelā mo te mea ne fakaasi mai i te 1 Kolinito 15:10, se a te mea e mafai o tauloto ne tatou mai te fakaakoakoga a te apositolo ko Paulo?
6 Mafaufau ki te fakaakoakoga a te apositolo ko Paulo. Ne fakaaoga malosi a ia ne Ieova ke faka‵tu aka a fakapotopotoga ‵fou mai se fakai e tasi ki te suā fakai. Ne mafai foki loa o uke atu ana mea ne fai i te galuega talai i lō so se isi apositolo aka a Iesu Keliso. Kae ne seki fakamaluga aka ne Paulo a ia eiloa i ana taina. Ne loto maulalo a ia o fakaasi ‵tonu mai, penei: “Ko au eiloa te ‵toe apositolo fatauva i apositolo katoa, kae e se ‵tau o taku au ki se apositolo, me ne fakasaua ne au te fakapotopotoga a te Atua.” (1 Koli. 15:9) Kae ne fai ‵tonu mai ne Paulo me ne maua ne ia se fesokotakiga ‵lei mo Ieova, e se ona ko ana uiga io me ko ana galuega ne fai, kae ona ko te alofa tauanoa o te Atua. (Faitau te 1 Kolinito 15:10.) Mafaga o akoakoga gali o te loto maulalo ne tuku atu ne Paulo i tena tusi ki te kau Kolinito—maise loa māfai e masaua ne tatou me isi ne tāgata i te fakapotopotoga ne fia ma‵luga atu i a Paulo!—2 Koli. 10:10.
Karl F. Klein, se taina loto maulalo telā ne tavini atu i te Potukau Pule (Ke onoono ki te palakalafa e 7)
7. Ne fakaasi mai pefea ne nisi taina lauiloa i aso nei a te loto maulalo? Taku mai se fakaakoakoga.
7 A te tokoukega o tino o Ieova ne fakamalosigina ne te tala tonu o te Taina ko Karl F. Klein, telā ne tavini atu e pelā me se sui o te Potukau Pule. I tena tala, ne fakaasi ‵tonu mai ne te Taina ko Klein mo te loto maulalo a mea faiga‵ta e uke kolā ne fakafesagai mo ia i se fia *
o tausaga. E pelā me se fakaakoakoga, i tausaga talu mai te 1920, ne faigata ki a ia a te galuega mai fale ki fale, telā ne seki toe fai ne ia kāti mō se lua tausaga. Fakamuli ifo, i te taimi ne galue a ia i te Peteli, ne ita fakamoemoe a ia mai tua o te mauaga ne ia a polopolokiga. E se gata i ei, ne logo‵mae a ia i se masaki telā ne māfua mai te loto mafatia, kae ne toe mafai o ‵lei a ia fakamuli. Kae tiga te feitu tenā, ne maua foki ne ia a nāi tauliaga tu ‵kese. Mafaufau la ki te loto maulalo o te taina lauiloa tenei o fakaasi mai ana vāivāiga! E tokouke a taina mo tuagane ne masaua ne latou a te Taina ko Klein mo tena tala tonu kae fakafiafia e uiga ki a ia.KAIA E ‵TAU MO TATOU O ATI AKA TE LOTO MAULALO?
8. I te auala fea e fesoasoani mai a te 1 Petelu 5:6 ke lavea ne tatou me i te loto maulalo e fakafiafia atu ki a Ieova?
8 A te ‵toe pogai tāua e ati aka ei ne tatou te loto maulalo me e fakafiafia atu ki a Ieova. Ne fakaasi manino mai ne te apositolo ko Petelu a te mea tenei. (Faitau te 1 Petelu 5:6.) E fai mai te tusi ko te “Come Be My Follower” e uiga ki pati a Petelu, penei: “A te uiga fakamatamata e pelā me se mea poisini. E fakamataku a tena ikuga. Se uiga telā e mafai o ‵fuli ne ia te ‵toe tino atamai ke fai pelā me se tino sē aoga ki te Atua. Kae i te suā feitu, a te loto maulalo e mafai o fai ne ia se tino fatauva ke aoga malosi ki a Ieova. . . . [A ia] ka . . . fiafia o taui atu ne ia tou loto maulalo.” * E tonu, e mafai eiloa ne tatou o fakafiafia a te loto o Ieova i lō so se isi mea aka.—Faata. 23:15.
9. Kaia e ma‵nako ei a nisi tino o fakapili‵pili mai māfai tatou e loto maulalo?
9 E se gata i te fakafiafia atu ki a Ieova, e maua ne tatou a mea aoga e uke māfai e ati aka ne tatou te loto maulalo. Kafai tatou e loto maulalo, ka ma‵nako eiloa a tino o fakapili‵pili mai ki a tatou. Kaia? Ia, mafaufau la ki vaegā tino e manako koe ki ei. (Mata. 7:12) Ne nāi tino fua i a tatou e fia‵fia ki tino kolā e ma‵nako faeloa o fai a mea i olotou auala kae sē talia ne latou a manatu fesoasoani mai nisi tino. E ‵kese mai i ei, e fia‵fia eiloa tatou ki taina tali‵tonu māfai e fakaasi mai ne latou a “lagonaga fakataina, alofa fakataina, alofa atafai, mo te loto maulalo.” (1 Pe. 3:8) Kafai e fakapili‵pili atu tatou ki vaegā tino penā, ka fakapili‵pili mai foki latou ki a tatou—māfai tatou e loto maulalo.
10. Kaia e faigofie ei ki tino loto maulalo ke kufaki i fakalavelave o te olaga?
10 A te loto maulalo e fakafaigofie ne ia ‵tou Fai. 10:7) A latou kolā e maua ne latou a atamai e uke e se maua faeloa ne latou a te fakaaloalo. Kae ko latou kolā e se na loa ko ata‵mai e maua ne latou i nisi taimi a te fakaaloalo. Tela la, ne fai mai a Solomona me se faiga poto ke fakafesagai atu tatou ki te olaga tenei i lō te mafaufau ‵mafa ki tulaga sē ‵lei o te olaga tenei. (Fai. 6:9) Kafai tatou e loto maulalo, ka faigofie ke talia ne tatou a mea i te olaga nei kolā e se fia‵fia ki ei tatou.
olaga. A te ‵tonuga loa, e mafai o ‵kilo atu tatou ki mea i te olaga nei e pelā me e se tonu. Ne fai mai te Tupu poto ko Solomona, penei: “Ne lavea ne au a tavini i luga i solofanua mo pelenise e sa‵sale i olotou vae e pelā me ne tavini.” (NE A TULAGA KOLĀ E MAFAI O TOFOTOFOGINA EI ‵TOU LOTO MAULALO?
Kaia e faigata i ei ke loto maulalo i te tulaga tenei? (Ke onoono ki te palakalafa e 11-12) *
11. Ne a mea e ‵tau o fai ne tatou māfai e maua ne tatou a polopolokiga?
11 I aso takitasi, e maua ne tatou a avanoaga e uke ke fakaasi atu te loto maulalo. Mafaufau ki nāi tulaga konei. Māfai e maua ne tatou a polopolokiga. E ‵tau o masaua ne tatou me kafai e taumafai se tino o polopoloki tatou, ko tena uiga ne fai ne tatou se mea ‵se matagā. I nisi taimi, kāti a te manakoga muamua eiloa o tatou ko te ‵teke atu o te polopolokiga tenā. Kāti ka sē fia‵fia tatou ki te tino telā ne tuku mai ne ia polopolokiga io me ko te auala ne polopoloki ei tatou. Kae kafai tatou e loto maulalo, ka taumafai eiloa tatou o fakaasi atu a te kilokiloga tonu e uiga ki pati polopoloki.
12. E ‵tusa mo te Faataoto 27:5, 6, kaia e ‵tau ei o loto fakafetai tatou ki se tino telā e tuku mai ne ia a polopolokiga? Fakamatala mai.
12 A te tino loto maulalo e loto fakafetai ki polopolokiga. Ke fai se fakatusa: Mafaufau me nofo atu koe i se fakatasiga Kelisiano. I tau otiga ne sau‵tala mo nisi taina tali‵tonu, kae ne faipati atu se tokotasi o latou ki a koe me isi ne mea‵kai e ‵lave i ou nifo. E mautinoa eiloa me ka mā koe. Kae e mata, ka loto fakafetai foki koe ki te tino telā ne fakailoa atu ne ia ki a koe? E tonu, au muna loa ke na fakailoa fakavave atu ne se tino ki a koe a te mea tenā! I se auala tai ‵pau, e ‵tau o loto maulalo tatou o fakafetai atu ki se taina talitonu telā e loto malosi o tuku mai ne ia a polopolokiga māfai e manakogina ne tatou. E ‵kilo atu tatou ki te tino tenā e pelā me se taugasoa o tatou, kae e sē se fili.—Faitau te Faataoto 27:5, 6; Kala. 4:16.
Kaia e manakogina ei te loto maulalo māfai e maua ne nisi tino a tauliaga i te taviniga? (Ke onoono ki te palakalafa e 13-14) *
13. E mafai pefea o fakaasi atu ne tatou te loto maulalo māfai e maua ne nisi tino a tauliaga i te taviniga?
13 Māfai e maua ne nisi tino a tauliaga i te taviniga. “Kafai e lavea ne au me e maua ne nisi tino a tauliaga i te taviniga, e mafaufau au i nisi taimi me kaia ne seki filifili ei au,” ne fai ‵tonu mai se toeaina e igoa ki a Jason. E mata, kai 1 Timo. 3:1) Kae e ‵tau o fakaeteete tatou i ‵tou mafaufauga. Kafai e se fakaeteete tatou, ka mafai o ‵toki ne tatou i ‵tou loto a te uiga fakamatamata. E pelā me se fakaakoakoga, e mafai o mafaufau se tagata Kelisiano me ko ia fua te ‵toe tino e fetaui ‵lei mō se tōfiga. Io me mafaufau se fafine avaga Kelisiano penei, ‘E mafai ne taku avaga o fai te galuega tenei i lō a te suā taina!’ Kae kafai e loto maulalo tonu tatou, ka ‵kalo kea‵tea tatou mai te uiga fakamatamata.
maua ne koe a lagonaga penā? E se masei ke “kausaki atu” ke maua a tauliaga e uke i te taviniga. (14. Se a te mea e mafai o tauloto ne tatou mai te auala ne saga atu ei a Mose i te taimi ne maua ne nisi tino a tauliaga?
14 E mafai o tauloto tatou mai te auala ne saga atu ei a Mose i te taimi ne maua ne nisi tino a tauliaga. Ne fakatāua malosi ne Mose a tena tōfiga ke takitaki ne ia a te fenua o Isalaelu. Ne saga atu pefea a Mose i te taimi ne tuku atu ei ne Ieova ki nisi tino a te tauliaga ke tavini fakatasi mo ia? Ne seki loto masei a ia. (Nume. 11:24-29) I te taimi ne fakamasino ne ia a tino, ne loto maulalo a ia o talia a nisi tino ke fesoasoani atu ki tena galuega i te fakamasinoga o tino. (Eso. 18:13-24) I te taimi tenā, e tokouke a tāgata Isalaelu ne mafai o fai pelā me ne famasino. I te faiga tenā, ne seki fakatāua ne Mose ana tauliaga kae ko te ‵lei o nisi tino. Se fakaakoakoga gali eiloa mō tatou! E masaua ne tatou me kafai e ma‵nako tonu tatou ke fakaaoga ne Ieova, se mea tāua ke loto maulalo tatou i lō te mauaga fua o tauliaga e uke. E tiga eiloa “te maluga o Ieova, e masaua ne ia te tino loto maulalo.”—Sala. 138:6.
15. Ne a fakanofonofoga ‵fou ne fakafesagai atu ki ei a taina mo te tuagane e tokouke?
15 Māfai ko fakafesagai atu tatou ki fakanofonofoga ‵fou. I tausaga fakamuli nei, ne maua ne te tokoukega kolā ne tavini ki a Ieova mō se fia sefulu tausaga a nisi tōfiga. E pelā me se fakaakoakoga, i te 2014, ne ‵kami eiloa a ovasia o atufenua mo olotou avaga ki nisi vaega o te taviniga
tumau. Kamata mai te tausaga tenā, a latou kolā ko taki 70 tausaga ka sē toe faka‵soko olotou taviniga e pelā me ne ovasia o atufenua. Kae ko taina kolā ko taki 80 tausaga io me silia atu ka se toe tavini i te fakapotopotoga e pelā me se kouotineita o te potukau o toeaina. E se gata i ei, i nāi tausaga ko ‵teka atu, e tokouke i te kāiga Peteli ne fakama‵fuli olotou tōfiga ke olo o tavini atu pelā me ne paenia. Nisi tino ko oti ne tiakina ne latou te taviniga tumau ona ko te fakamasakisaki, tiute i te kāiga mo nisi pogai aka.16. Ne fakaasi mai pefea ne ‵tou taina mo tuagane a te loto maulalo mai te fakamasani atu ki olotou tōfiga ‵fou?
16 A vaegā fakama‵fuliga penā ne seki faigofie ke fai ne taina mo tuagane konei. E manino ‵lei, me ne fia‵fia malosi latou ki olotou tōfiga muamua mō tausaga e uke. Nisi ne fakafesagai mo se tulaga “fakafanoanoa” i te taimi e fakamasani ei latou ki olotou tōfiga ‵fou. Kae fakamuli loa, ne mafai o fakamasani faka‵lei latou ki ei. Kaia? Ne mafai o fai penā ona ko te lotou a‵lofa ki a Ieova. Ne iloa ne latou me ko oti ne tukugina atu latou ki te Atua—e se ki se galuega, se tulaga io me se tōfiga. (Kolose 3:23) E fia‵fia latou o tumau i te tavini atu ki a Ieova mo te loto maulalo i so se auala. E “‵pei atu [olotou] manava‵sega katoa ki luga i a ia,” me e atafai a ia ki a latou.—1 Pe. 5:6, 7.
17. Kaia e loto fakafetai ei tatou me e fakamalosi ne te Muna a te Atua a tatou ke ati aka te loto maulalo?
17 E mata, e se loto fakafetai tatou me e fakamalosi tatou ne te Muna a te Atua ke ati aka te loto maulalo? Kafai e ati aka ne tatou te uiga gali tenei, e maua ne tatou fakatasi mo nisi tino a mea aoga. Ko mafai ne tatou o fakafesagai atu ki mea faiga‵ta i te olaga. Kae sili atu i te tāua, ko fakapili‵pili atu tatou ki te ‵tou Tamana faka-te-lagi. Ko oko eiloa i te ‵tou fia‵fia ke iloa atu me e tiga eiloa i a ia ko “te Atua Maluga,” e alofa kae fakatāua ne ia a ana tavini loto maulalo!—Isa. 57:15.
PESE 45 Mafaufauga ‵Loto o Toku Loto
^ pala. 5 Tasi o toe uiga tāua e ‵tau o ati aka ne tatou ko te loto maulalo. Se a te loto maulalo? Kaia e ‵tau i ei o ati aka ne tatou? Kae e mafai pefea ne mafuli‵fuliga o fakanofonofoga o tofotofo aka ‵tou loto maulalo? Ka fakamatala mai i te mataupu tenei a fesili tāua konei.
^ pala. 7 Ke onoono ki te mataupu “Jehovah Has Dealt Rewardingly With Me” i a Oketopa 1, 1984, lōmiga o The Watchtower.
^ pala. 8 Ke onoono ki te mata. 3, pala. 23.
^ pala. 53 FAKAMATALAGA O ATA: I te taimi e nofo atu ei i se fale o se taina, ne loto maulalo te apositolo ko Paulo o ‵kau fakatasi mo te kautaina e aofia i ei a tama‵liki.
^ pala. 57 FAKAMATALAGA O ATA: Se taina e talia ne ia a polopolokiga kolā e fakavae ki te Tusi Tapu mai se taina talavou.
^ pala. 59 FAKAMATALAGA O ATA: Te toeaina matua e se loto masei ki te taina talavou telā e maua ne ia se tauliaga i te fakapotopotoga.