A Ieova ‘e Atafai Eiloa ki a Koe’
KAIA e mafai ei o talitonu koe me e ‵tonu a pati konā, kae e atafai atu eiloa a Ieova ki a koe? E tasi te pogai me e fai ‵tonu mai eiloa penā i te Tusi Tapu. E fai mai te 1 Petelu 5:7: “Ke ‵pei atu ki luga i a ia a mea katoa e manava‵se ei koutou, me e atafai eiloa a ia ki a koutou.” Ne a fakamaoniga me e saga tonu atu eiloa a Ieova te Atua ki a koe?
E TAUSI NE TE ATUA A TINO I TE FEITU FAKA-TE-FOITINO
Mai i te tukumaiga o se fakaakoakoga ‵lei, a Ieova e . . .
E pelā me se fakaakoakoga, e maua ne te Atua a uiga kolā e manako koe ke maua foki ne ou taugasoa ‵pili. A latou kolā e fakatau fakaasi atu te atafai mo te uiga kaimalie e masani o fai mo taugasoa ‵pili. E pelā mo te faigofie ke lavea ne koeme e atafai kae uiga kaimalie a Ieova ki tino i aso katoa. Mafaufau ki te mea e tasi tenei: “E fakamaina ne ia a te la ki luga i tino ma‵sei mo tino ‵lei kae e faka‵to ne ia te vaiua ki luga i tino amio‵tonu mo tino sē amio‵tonu.” (Mata. 5:45) Ne a aoga o te la mo te vaiua? I tafa o nisi mea, ‘e faka‵fonu ‵tou loto ki mea‵kai mo te fiafia’ ne te Atua ona ko mea konā. (Galu. 14:17) Ao, e fakamautinoa aka ne Ieova me e fua mai ne te lalolagi a mea‵kai e uke, kae e aofia eiloa a te kai i nai mea kolā e fakafiafia ei tatou.
Kae kaia la e fia‵kai i ei a tino e tokouke? Ona ko te mea e masani o ‵saga malosi atu a tino pule ki te mauaga o te tulaga pule i mea fakapolitiki mo te faiga ke uke atu a tupe i lō te faiga ke momea aka te ‵lei o olaga o tino. Ko pili fua nei o faka‵lei aka ne Ieova a te fakalavelave ko te kaimanako, mai te suiga o pulega fakapolitiki i aso nei ki te Malo faka-te-lagi, telā e tavini mai ei tena Tama e pelā me ko te Tupu. I te taimi tenā, ka seai se tino e ‵toe fiakai. I te taimi nei, e tausi eiloa ne te Atua ana tavini fakamaoni. (Sala. 37:25) E a, e se fai eiloa te mea tenā mo fai se fakaasiga o tena atafai?
E SE KAIU A IEOVA I ANA TAIMI
atafai kae lima mafola
E masani o fakamāumau ne se taugasoa ‵lei ana taimi mo koe. Kāti e mafai o fakamāumau ne ia a te fia o itula o sau‵tala mo koe e uiga ki mea kolā e fia‵fia koulua ki ei. Kae ka fakalogologo faka‵lei foki se taugasoa ‵lei māfai e fai atu ne koe ou fakalavelave mo mea e manavase koe ki ei. E mata, e saga tonu mai penā a Ieova? Ao, e fai eiloa a ia penā! E talia ne ia ‵tou ‵talo. Tela la, e fakamalosi mai te Tusi Tapu ki a tatou ke “‵talo faeloa.”—Loma 12:12; 1 Tesa. 5:17.
E pefea te uke o taimi e loto fiafia a Ieova ke fakamāumau ne ia o fakalogologo mai ki au ‵talo? E tuku mai ne se fakaakoakoga i te Tusi Tapu a te tali. Mai mua o te taimi ne filifili aka ei ne Iesu ana apositolo, “ne ‵talo atu a ia ki te Atua i te po kātoa tenā.” (Luka 6:12) I te ‵talo tenā, kāti ne toe mafaufau a Iesu ki igoa o ana soko e tokouke, olotou uiga mo olotou vāivāiga, kae akai atu ki tena Tamana ke fesoasoani mai i te filifiliga o latou. I te taimi eiloa ne maina mai te la i te aso fou, ne iloa ne Iesu me ko oti ne filifili ne ia a toe tino ‵lei ke tavini atu e pelā me ne ana apositolo. E pelā me ko te Tino telā e ‘tali mai ki talosaga, e fiafia eiloa a Ieova ke fakalogo mai ki ‵talo katoa kolā e fai atu mo te fakamaoni. (Sala. 65:2) Kafai foki ne fakamāumau ne se tino a itula e uke i te ‵talo atu ki mea e manavase malosi a ia ki ei, e se kilokilo faeloa a Ieova ki te taimi.
E LOTO FIAFIA TE ATUA O FAKAMAGALO
kaimalie i ana taimi
Kafai ko manakogina a te loto fakamagalo, e faigata foki eiloa ki toe taugasoa ‵lei ke fai penā. I nisi taimi, e se ma‵nako o faka‵lei aka ne tino olotou va mo olotou taugasoa ‵pili ona ko te mea ko tō faigata ke fakamagalo atu. E se fai eiloa a Ieova penā. E ‵kami atu ne te Tusi Tapu a tino loto fakamaoni katoa ke fakamolemole atu mō tena fakamagaloga, me “vave fakamagalo ne ia.” (Isa. 55:6, 7) Se a te mea e fakamalosi atu ki te Atua ke fakamagalo fakavave ne ia a tino agasala?
A te pogai ko te alofa lasi o te Atua telā e se fakanafagina. Ne alofa malosi a ia ki te lalolagi telā ne tuku mai ei tena Tama, ko Iesu, ke faka‵sao a tino mai te agasala mo logo‵maega kolā ko Ioane 3:16) A te ‵tonuga loa, e uke atu a mea ne fakataunu mai i te togiola. E auala i te taulaga a Keliso, ne mafai ei o fakamagalo fakavave ne te Atua a latou kolā e alofa a ia ki ei. Ne tusi mai te apositolo ko Ioane: “Kafai e fakaasi ‵tonu atu ne tatou a ‵tou agasala, e fakamaoni eiloa a ia kae e amiotonu ke fakamagalo ne ia a ‵tou agasala.” (1 Ioane 1:9) Ona ko te alofa fakamagalo o Ieova, e mafai ei o fai taugasoa a tino mo ia, kae fai ne te mea tenei ke otia ‵tou loto.
maua ne tino. (E FESOASOANI ATU A IA KI A KOE MĀFAI KO MANAKO KOE KI A IA
loto fiafia o fakamagalo atu
E fesoasoani atu se taugasoa tonu ki nisi tino māfai ko ma‵nako latou ki ei. E a, e fai foki penā a Ieova? E fai mai tena Muna: “Kafai e ‵siga latou [se tavini e tokotasi a te Atua], e toe vave tu, me fesoasoani te Aliki ki a latou o toe fakatu ake.” (Sala. 37:24) E ‘fesoasoani atu a Ieova ki ana tavini’ i auala kese‵kese. Mafaufau la ki te tala tenei mai te fenua o te Caribbean ko St. Croix.
Ne faimālō se tamaliki fafine ne tamaliki o tena vasega ke saluti ki te fuka kae ne seki saluti a ia ona ko pogai fakalotu. Mai tua o te ‵talo atu ki a Ieova mō se fesoasoani, ne fakaiku aka ne tou fafine ke fakamatala faka‵lei atu te mataupu tenā. Ne toe tuku atu ei ne ia te suā fakamatalaga ki te vasega e uiga ki te mataupu ko te saluti ki te fuka. Mai te fakaaogaga o te tusi ko te Taku Tusi o Tala Mai te Tusi Tapu, ne fakamatala mai ne tou fafine a te auala ne fesoasoani atu ei a te tala o Satalaka, Mesako, mo Apeteniko ki tena fakaikuga. Ne fai atu tou fafine: “Ne puipui ne Ieova a te tokotolu tamataene Epelu ona ko te mea ne seki ifo latou ki te tupua.” Ne ofo atu ei ne ia te tusi ki tino kolā ne ‵nofo atu i konā. Ne ma‵nako a tama‵liki e toko 11 o tena vasega ki se ‵kopi. Ona ko te iloa atu me ne tuku atu ne Ieova a te malosi mo te poto ke tuku atu ne ia se molimau e uiga ki se mataupu faigata, ne fiafia malosi eiloa tou fafine.
Kafai e fakalotolotolua koe ki te atafai o Ieova ki a koe, mafaufau ‵loto ki vaegā fuaiupu i te Tusi Tapu e pelā mo te Salamo 34:17-19; 55:22; mo te 145:18, 19. Fesili atu ki tino kolā ko leva ne fai mo fai ne Molimau e uiga ki te auala ne tausi atu ei a Ieova mo te atafai ki a latou. Kae kafai e manako koe ki te fesoasoani o te Atua, ‵talo atu ki a ia e uiga ki ei. E se leva kae ka lavea ne koe me i a Ieova “e atafai atu” ki a koe.