TE FALELEOLEO MALUGA (LŌMIGA MŌ SUKESUKEGA) Ianuali 2018

E aofia i te lōmiga tenei a mataupu mō sukesukega i a Fepuali 26 ki a Apelila 1, 2018.

NE TUKU ATU LATOU MO TE LOTO FIA`FIA

Ne Ofo Atu a Latou Eiloa mo te Loto Fia‵fia—I Madagascar

Ke fakafetaui mo nisi tino talai kolā ne loto fia‵fia o fesoasoani ki te fakasalalauatuga o te fekau o te Malo i koga talai ‵lasi o Madagascar.

“E Tuku Atu ne ia te Malosi ki te Tino Vāivāi”

I te pili mai o te gataga, e fakamoe‵moe tatou ke gasolo aka o faigata te tulaga o te olaga. E fakamasaua mai a te ‵tou tusi siki fakavae mō te 2018 ke ‵kilo atu tatou ki a Ieova ke maua mai ei te malosi.

Te Gali o te ‵Kau Fakatasi mo te Fakamanatuga

Ne a nisi auala e fakamalosi aka ei ne te Fakamanatuga a te ‵tou ‵kau fakatasi e pelā me ne tino o te Atua? Ko te taimi fea ka fai ei te Fakamanatuga fakaoti?

Kaia e Tuku Atu ei a Mea ki te Atua Telā e Maua ne ia Mea Katoa?

A te auala e tasi e fakaasi atu ei te ‵tou a‵lofa ki te Atua ko te tukuatuga o mea ki a ia. Ne a mea aoga e maua ne tatou, mai te tukuatuga o ‵tou kope tāua ke fakaaloalo atu ei ki a Ieova?

Se a te Vaegā Alofa e Maua Mai ei te Fiafia Tonu?

E ‵kese pefea te alofa ki te atua mo te alofa telā e fakaasi mai i te 2 Timoteo 3:2-4? Ka fesoasoani mai a tali ki ei ke maua ne tatou te lotomalie mo te fiafia tonu.