Kāti a te tokoukega o tatou e faigata ke masaua faeloa a mea e suke‵suke tatou ki ei. Kae e faigofie ke masaua ne tatou a akoakoga a Iesu, me ne fakaaoga faeloa ne ia a tala fakatusa. E mafai o fakaataata ne koe ana pati i tou mafaufau, kae e fesoasoani atu te mea tenā ke masaua ne koe ana akoakoga. I se auala tai ‵pau, e mafai o uke au mea e masaua māfai e taumafai koe o fakaataata i tou mafaufau au mea e faitau. E mafai pefea o fai ne koe te mea tenā? Mai te ‵lomi o ata i te taimi e fai ei au sukesukega.

A tino kolā e ‵lomi ne latou a ata o mea ‵fou e tauloto ne latou, e masaua faka‵lei ne latou a mea konā. A te ‵lomi o ata e fesoasoani atu ke malamalama faka‵lei latou i pati mo manatu tāua kolā e tauloto ne latou. E se ‵lomi ne latou a ata faiga‵ta—kae ko ata faigofie fua. Kae e aoga eiloa a te auala tenei ki tino ma‵tua, me fesoasoani atu ki a latou ke masaua a mea e tauloto ne latou.

I te suā taimi e fai au sukesukega, kāti ka manako koe o ‵lomi a ata o au mea e tauloto. E mafai eiloa o poi koe i te uke o au mea e masaua!