A tatou katoa e isi se tapulā ki te aofaki o taimi ke fai i ei ‵tou sukesukega totino. E fakaaoga faka‵lei pefea ne tatou a taimi konā? Muamua la, fakaaoga te taimi tenā ke faitau faka‵lei. Ka uke atu a mea aoga e maua ne koe mai te sukesuke faka‵lei ki se mataupu i lō te onoono fakavave fua ki mataupu e uke.

Ka oti, ko fakatoka ei a mea e ‵tau o fakamuamua. (Efe. 5:15, 16) Ke mafaufau ki nai manatu konei:

• Faitau ki te Tusi Tapu i aso katoa. (Sala. 1:2) Se mea gali ke kamata tau faitauga mai te tautali ki te fakasologa o ‵tou faitauga ki te Tusi Tapu i te vaiaso kolā e fai i ‵tou fakatasiga i loto i te vaiaso.

• Fakatoka ki te Sukesukega ki te Faleleoleo Maluga mo te fakatasiga i loto i te vaiaso. Fakatoka ke fai sau tali.—Sala. 22:22.

• Ke taumafai foki o onoono kae faitau ki nisi meakai faka-te-agaga i ‵tou mekesini mō tino katoa, vitio, mo mataupu i te jw.org.

• Fakatoka se mataupu ke sukesuke ki ei. Kāti e mafai o sukesuke koe ki se fakalavelave e fepaki mo koe, se fesili e ‵numi koe i ei, io me se mataupu i te Tusi Tapu e fia malamalama faka‵lei koe i ei. Ke maua a nisi manatu fesoasoani, onoono ki te vaega ko te “Bible Study Activities” i te jw.org.