E a, e manako ke uke au mea e tauloto mai i au sukesukega totino? E mafai o ‵tofo koe ki mea konei ke mafai o saga tonu koe ki au sukesukega:

• ‵Sala se koga gali. Taumafai o ‵sala se koga telā e se gaogaoa kae maina faka‵lei. E mafai o fakaaoga se taipola io me se koga gali i tua.

• ‵Sala se koga e se tokouke a tino i ei. Ne filifili ne Iesu ke ‵talo a ia “i te tafataeao ‵malu” i se “koga sē logoa.” (Male. 1:35) Kafai e faigata ke maua se koga penā, e mafai o fakailoa ne koe ki ou kāiga a taimi e fai ei au sukesukega kae fakamolemole atu ke mo a ma fakalavelave atu ki a koe i taimi konā.

• Tumau i te saga tonu atu. Kalo kea‵tea mai mea kolā e mafai o fakalavelave atu. Kafai e fakaaoga ne koe tau telefoni io me se tivaisi mo fai au sukesukega, tamate a fekau kolā e mafai o ‵sae aka io me fakaaoga te airplane mode ke mo a ma fakalavelave atu a fekau konā ki a koe. Kae kafai e isi se galuega e ‵tau o fai ne koe, ke tusi te mea tenā ki se pepa ke fakamasaua atu ke fai ne koe ma oti. Kafai e faigata ke saga tonu ki au sukesukega, ke mānava malie kae fano o sasale io me fakamalosilosi tou foitino.