Kai faitau faka‵lei eiloa koe ki lōmiga o Te Faleleoleo Maluga i te tausaga nei. Onoono aka, me e mafai o tali mai ne koe a fesili konei:

E ‵tau o pefea ‵tou faifaiga e fai ki Kelisiano fakaekegina?

E loto fakafetai tatou ki te lotou fakatuanaki, kae e se tō ‵saga fakapitoa atu tatou ki a latou. E ‵kalo kea‵tea tatou mai te “tavae” faeloa se tino. (Iuta 16, fml.) E se ‵sili foki ne tatou ki a latou a fesili e uiga ki te lotou fakamoemoega.—w20.01, itu. 29.

Se a te mea e fakatalitonu atu ki a koe me iloa ‵lei ne Ieova a koe?

E fai mai te Tusi Tapu me ne iloa ne ia a koe mai mua loa o fanau koe. E lagona ne ia au ‵talo. E iloa ne ia ou mafaufauga mo mea i tou loto, kae ne pokotia a ia ona ko au faifaiga. (1 Nofo. 28:9; Faata. 27:11) Ne ‵taki mai ne ia koe ke fakapilipili atu ki a ia.—w20.02, itu. 12.

Ne a fakaakoakoga o te taimi ‵lei ke faipati mo te taimi ke nofo ‵mu?

E fai‵pati tatou mo te fia‵fia e uiga ki a Ieova. E fai‵pati tonu tatou māfai ko lavea atu se tino ko kamata o sasale i te auala ‵se. E fai‵pati a toeaina māfai e manakogina ke tuku atu a pati fakatonutonu. E se fai‵pati tatou ke maua (io me fakailoa) a fakamatalaga e uiga ki te ‵tou galuega i fenua kolā e fakataputapu i ei. E se fakaasi atu ne tatou a mea kolā e se ‵tau o iloa ne tino.—w20.03, itu. 20-21.

E ‵kese pefea a seakelise i te Ioelu mataupu e 2 mai seakelise i te Fakaasiga mataupu e 9?

Ioelu 2:20-29 e fai mai me ka afuli kea‵tea ne te Atua a seakelise kae tauto atu me ka toe ‵togi atu a mea kolā ne fakamasei ne latou. Fakamuli ifo, ko ‵ligi atu ei ne te Atua a tena agaga. A mea konei ne fakataunu i te taimi ne puke ei ne Papelonia a Isalaelu mo se taimi fakamuli ifo. Fakaasiga 9:1-11 e fakamatala mai ei a te kau fakaekegina i aso nei, kolā e fai pelā me ne seakelise i te taimi e folafola atu ne latou a fakamasinoga a te Atua ki te olaga masei tenei, kae fai ei ke se ‵nofo toka a tino kolā e ‵lago atu ki ei.—w20.04, itu. 3-6.

Ko oi te tupu mai te feitu ki mātū i aso nei?

Ko Lusia mo fenua e ‵lago atu ki ei. Ne fakasaua ‵tonu atu latou ki tino o te Atua, fakatapu te galuega talai kae fakaasi atu te lotou takalia‵lia ki Molimau. Ne fakatau‵fai a te tupu ki mātū mo te tupu ki saute.—w20.05, itu. 13.

E mata, a “fuataga o te agaga” ko uiga fua e iva kolā e laulau mai i te Kalatia 5:22, 23?

Ikai. E fesoasoani mai te agaga tapu ke ati aka ne tatou a uiga ‵gali pelā mo te amiotonu. (Efe. 5:8, 9)—w20.06, itu. 17.

Kaia e fakamataku ei ke lafo ou ata i te itaneti?

A ata e lafo ne koe i te itaneti e mafai o fakauiga i ei me i a koe e faipati fakamatamata e uiga ki a koe, kae seai se loto maulalo i a koe.—w20.07, itu. 6-7.

Ne a mea e mafai ne tino talai Kelisiano o tauloto mai tino faiika apo?

E ga‵lue latou i te taimi mo te koga e mafai o maua i ei a ika e uke. E akoako latou ke fakaaoga a mea faigaluega ‵tonu. Kae ga‵lue latou mo te loto malosi i tulaga kese‵kese. E mafai foki o fai tatou penā i te ‵tou galuega talai.—w20.09, itu. 5.

Ne a nisi auala e mafai o fesoasoani tatou ki tino a‵koga ki te Tusi Tapu ke faka‵poko te lotou a‵lofa ki a Ieova?

E mafai o fakamalosi tatou ki a latou ke fai‵tau ki te Tusi Tapu i aso katoa kae ke mafaufau ‵loto ki olotou mea ne faitau. E mafai foki o akoako ne tatou a latou ke iloa o ‵talo.—w20.11, itu. 4.

Ko oi e aofia i te tugapati tenei: “E penā foki te ‵toe fakaola mai o tino katoa e auala i te Keliso”?—1 Koli. 15:22.

Ne seki fai mai a Paulo me i tino katoa ka faka‵tu aka. Ne fakasino atu a ia ki Kelisiano fakaekegina kolā “ko oti ne fakatapu ke ‵kau fakatasi mo Keliso Iesu.” (1 Koli. 1:2; 15:18)—w20.12, itu. 5-6.

Ne a mea ka fai ne te kau fakaekegina māfai ko oti latou ne ‘‵fuli e pelā mo te ‵kemo o te mata, i te taimi o te pu fakaoti’?—1 Koli. 15:51-53.

Ka ‵kau fakatasi latou mo Keliso o tausi atu ki tino mo te tokotoko fiti. (Faka. 2:26, 27)—w20.12, itu. 12-13.