I te po mai mua o tuku atu ne ia tena ola, ne fakatonu ne Iesu ana soko fakamaoni ke masaua, io me ke fakamanatu, tena taulaga. Mai te fakaaogaga o te falaoa sē faka‵fete mo te uaina i mua o latou, ne kamata ei ne ia a te mea telā e taku ki te ‵Toe ‵Kaiga io me ko te ‵Kaiga a te Aliki i te Afiafi kae fakatonu atu: “Ke fai faeloa te mea tenei mo fai se fakamasauaga ki a au.”—Luka 22:19.

I tausga takitasi, e maopoopo a Molimau a Ieova i te lalolagi kātoa ke fakamanatu te mate o Iesu i te po o te masina ne fakamanatu ei. I te 2014, a te Fakamanatuga ka fai i te Aso Gafua, Apelila 14, mai tua o te ‵toga o te mata o te la.

E ‵kami atu eiloa koe mo te fiafia ke kau mai ki te fakatasiga tenei, telā ka tuku mai i ei a nisi fakamatalaga ki te tāua o te mate o Iesu e pelā me se taulaga. E seai se ‵togi ke kau atu ki ei. E seai foki ne tupe e ‵tae i ei. A te tino telā ne tuku atu ne ia te mekesini tenei ki a koe e mafai o fai atu ne ia a te taimi mo te koga e fai ei te Fakamanatuga i te otou koga, io me e mafai o onoono koe ki te Web site o matou ko te jw.org. Fakamolemole, masaua te maopoopoga tenei, telā e fakamoe‵moe matou me ka se galo koe i ei.