TE POGAI E TĀUA I EI: A tusi katoa i loto i ‵tou Pusa o Mea Faigaluega mō Fai Akoakoga e fakasino faeloa ki te jw.org. A te ‵tonuga loa, a te pogai tāua ne fakatoka ei a te pepa ki te fakatuatusi ko te jw.org mo te tamā pepa ko te Tefea te Koga e Mafai ei o Maua ne Tatou a Tali ki Toe Fesili Tāua i te Olaga? ko te mea ke ‵taki atu ei a tino ki te ‵tou fakatuatusi. E mafai o ofo atu ne koe se tusi mai ‵tou Pusa o Mea Faigaluega mō Fai Akoakoga ki se tino mai te fakaaogaga o te jw.org ke lafo atu se tusi i te meli iti io me mai te ‵kopi atu o te link ki ei. Ka mafai o aoga malosi te mea tenei māfai ko talai atu ki se tino e faipati ki te suā ‵gana. E se gata i ei, e mafai o ‵sili mai ne tino a fesili kolā e se maua olotou tali mai tusi i loto i ‵tou Pusa o Mea Faigaluega mō Fai Akoakoga. Kafai e masani ‵lei tatou o fakaaoga a te ‵tou fakatuatusi, ka apo malosi eiloa tatou i te galuega talai.

TE AUALA KE FAI EI:

• Fano ki “BIBLE TEACHINGS”. Mafaufau la māfai e talai atu koe ki se mātua telā e manako ki fakamatalaga e uke e uiga ki te putiakaga o tama‵liki. Fano ki BIBLE TEACHINGS > MARRIAGE & FAMILY.

• Fano ki “TUSI”. Mafaufau la māfai e talai atu koe i te akoga i se auala seki fuafuagina kae manako ke ofo atu ki tou taugasoa a te polosiua ko te Tali ki Fesili e 10 a Talavou. Fano ki te PUBLICATIONS > BOOKS & BROCHURES.

• Fano ki te “ABOUT US”. Mafaufau la māfai e talai atu koe ki se tino e ga‵lue tasi mo koe telā e fiafia o faitau ki se fakamatalaga toetoe e uiga ki ‵tou talitonuga. Fano ki te ABOUT US > FREQUENTLY ASKED QUESTIONS.

KE ONOONO KI TE VITIO KO TE TAKITAKI ATU TE TINO KI TE FAKATUATUSI KO TE JW.ORG, KAE ONOONO KI TE KOGA E FIA FANO KOE I LOTO I TE FAKATUATUSI MŌ SE FESOASOANI:

• ki te tino e se talitonu me e isi se Atua

• ki se tino e pokotia i se fakalavelave

• ki se taina io me se tuagane e mate faka-te-agaga

• ki se toe asiga e fia iloa me fakateletele pefea ‵tou galuega i mea tau tupe

• ki se tino mai se fenua fakaa‵tea telā e fia kau ki se fakatasiga i tena fenua tonu