KE OLA E PELĀ ME NE KELISIANO
Masaua te Avaga a Lota
Kaia ne toe kilo atu ei te avaga a Lota ki tua i te taimi ne tele kea‵tea i ei a ia mai Sotoma? E se fakaasi mai i te Tusi Tapu a te pogai. (Ken 19:17, 26) E fakaasi mai i pati a Iesu me kāti ne mafaufau tou fafine ki mea kolā ko oti ne tiakina ne ia. (Luk 17:31, 32) E mafai pefea o galo i a tatou a te taliaga a te Atua e pelā mo te mea ne fai ne te avaga a Lota? E se ‵tau o talia ne tatou a te ‵sala malosi ki kope faka-te-foitino ke fai pelā me se mea e fakamuamua ne tatou i ‵tou olaga. (Mat 6:33) Ne akoako mai ne Iesu ki a tatou me “e se mafai o tavini koutou ki te Atua fakatasi mo Koloa.” (Mat 6:24) Kae e a māfai ko iloa ne tatou me ko kamata o uke ‵tou taimi e fakamāumāu i te ‵salaga o kope faka-te-foitino kae ko mu‵tana a taimi mō mea faka-te-agaga i ‵tou olaga? Ke na ‵talo ki a Ieova ki te poto mo te loto malosi ko te mea ke iloa atu a feitu e manakogina ke fai i ei a ‵fuliga i ‵tou olaga.
MAFAUFAU KI VAEGA E TOLU O TE VITIO KO TE MASAUA TE AVAGA A LOTA, KAE TALI AKA A FESILI MAI LALO:
-
E mafai pefea o fakaasi atu i aku faifaiga me e ‘masaua ne au te avaga a Lota’?
Ne fakamalosi aka pefea ne te manako malosi ki tupe a te mafaufau, pati mo faifaiga a Miliama?
-
E fai pefea a te tala o te avaga a Lota mō fakaakoakoga ki a tatou i aso nei?
-
Ne fesoasoani atu pefea ki te kāiga o Ioelu a te fakagalue ne latou a fakatakitakiga mai te Tusi Tapu?
-
Ona ko ana taugasoa i te galuega, ne pokotia pefea a te feitu faka-te-agaga o Ana?
-
Kaia e ‵tau ei o maua ne tatou a te loto malosi māfai ko fakamalosigina ke fakamuamua ne tatou a tupe i ‵tou olaga?
-
Ne toe ‵saga atu pefea a Pula mo Miliama ke fakamuamua a mea faka-te-agaga?
-
Ne a fakatakitakiga i te Tusi Tapu ne lavea ne koe e fakaasi mai i te vitio tenei?
