I tena tusi fakaosofia ki a Tito, ne tusi atu a Paulo ki tāgata koi talavou, e aofia i ei a Tito, ke taumafai ke fai e pelā me ne “fakaakoakoga ‵lei i te faiga o galuega ‵lei i feitu katoa.” (Tit 2:6, 7) Mai tua ifo i te mataupu foki loa tenei, ne fai mai a ia me i tino o Ieova ko oti ne faka‵ma ko te mea ke fai latou e pelā me ne tino “loto finafinau o fai a galuega ‵lei.” (Tit 2:14) A te mea e tasi e aofia i galuega ‵lei konei ko te talai mo te akoako atu a te Malo o te Atua. Kafai koe se talavou, e mata, e mafai o fakaaoga ne koe tou malosi ke tavini atu e pelā se paenia lagolago io me se paenia tumau?—Fat 20:29.

Kafai e manako koe o tavini atu e pelā me se paenia, ke fai ne fakatokaga i tou olaga io me ko au mea fai ko te mea ke fai koe e pelā me se paenia. (Luk 14:28-30) E pelā me se fakaakoakoga, e mafai pefea o tausi ne koe a koe eiloa i mea tau tupe i te taimi e fai ei tau taviniga tumau i te galuega talai? Ka mafai pefea o maua ne koe a itula kolā e manakogina? Ke ‵talo atu koe ki a Ieova e uiga ki ou fakanofonofoga. (Sal 37:5) Ke sau‵tala fakatasi koe mo ou mātua ki tau fakamoemoega kae penā foki mo latou kolā ne iku manuia olotou taviniga e pelā me ne paenia. Ka oti ko kausaki atu koe ki tou fakamoemoega tenā. Ka fakamanuia eiloa ne Ieova au galuega e fai mo te loto finafinau i tau taviniga ki ei!

KE ONOONO KI TE VITIO TALAVOU E ‵VIKI ATU KI A IEOVA, KA OTI KO TALI EI A FESILI KONEI:

• Ne a mea faiga‵ta ne mafai o faka‵lei aka ne nisi talavou ko te mea ke paenia latou, kae ne fai pefea ne latou?

• E mafai pefea o fesoasoani atu a mātua ki olotou tama‵liki ke fai e pelā me ne paenia tumau?

• Kaia e tāua ei a te faiga o fakasologa o mea fai i te galuega talai?

• E mafai pefea ne tino i te fakapotopotoga o fakamalosi atu kae fesoasoani atu foki ki se paenia?

• Ne a fakamanuiaga ka maua ne latou kolā e tavini atu e pelā me ne paenia?