Talu mai i a Ianuali 2016, ne fakaaoga ei i te itulau fakaoti o Te Faleleoleo Maluga, te lōmiga mō tino katoa a te “Ne a Pati i te Tusi Tapu?” A te auala fou tenei ne fakatoka ke fesoasoani mai ke kamata a sau‵talaga ki mataupu faka-te-Tusi Tapu. E tai ‵pau te fakatokaga mo ‵tou tamā pepa. E isi se fesili ke mafaufau ki ei telā e ‵soko atu ki se tali mai te Tusi Tapu, e penā foki mo nisi manatu fakaopoopo ke sau‵tala ki ei.

E masani o iku atu a sau‵talaga ‵gali ki mataupu mai te Tusi Tapu ki te faiga o akoga faka-te-Tusi Tapu. Fakaaoga a te auala fou tenei ke fesoasoani atu ki tino e tokouke atu ke fakama‵lie aka ei te lotou fia‵kai i te feitu faka-te-agaga.—Mat 5:6.

1. Fesili atu me ne a manatu o te tino i te fale ki se fesili e tasi

2. Fakalogologo atu kae ke fakaasi atu te āva ki tena tali

3. Faitau te tusi faitau mai lalo o te ulutala “Ne a Pati i te Tusi Tapu,” kae fesili atu ki ana manatu e uiga ki te fuaiupu. Kafai e lava tena taimi, ke faka‵soko atu te sau‵talaga, mai te fakaaogaga o se manatu mai lalo o te ulutala “Ne a Nisi Mea e Mafai o Tauloto Mai te Tusi Tapu?”

4. Ofo atu te mekesini

5. Fakatoka ke toe foki atu kae sau‵tala ki te lua o fesili