Fakatalofa mo atafai atu ki a ai? So se tino telā e kau mai ki ‵tou fakatasiga Kelisiano—mai tino ‵fou ki taugasoa i aso mua loa. (Loma 15:7; Epe 13:2) E mafai se taina talitonu mai i se isi fenua io me se Kelisiano ne mate faka-te-agaga kae ko kau mai mō te taimi muamua talu te fia tausaga ko ‵teka. Mafaufau me pefea ou lagonaga moi nofo atu koe i se vaegā tulaga penā? E a, ka se fakatāua ne koe a te fakatalofa atu o tino mo te atafai? (Mata 7:12) Tela la, kaia e se taumafai malosi ke fanatu koe i loto i te Fale Tapuaki kātoa o fakatalofa atu ki nisi tino mai mua, penā foki mai tua o te fakatasiga? E fesoasoani atu te mea tenei ki te mauaga o se lagonaga atafai kae alofa kae fakaaloalo atu ei ki a Ieova. (Mata 5:16) E tonu, kāti ka se mafai o faipati atu ki tino katoa e ‵kau atu. E tiga eiloa te feitu tenā, ka maua ne tino katoa se lagonaga gali māfai e fai ne tatou katoa ‵tou tusaga. *

E se fakaasi atu fua te uiga talimalo tonu i maopoopoga fakapito e pelā mo te Fakamanatuga kae i taimi katoa. Kafai e lavea kae lagona ne tino ‵fou a te alofa fakaasi o Kelisiano, e mafai o fakamalosi aka ei latou ke tavae kae ‵kau mai ki a tatou i te tapuakiga ‵ma.—Ioa 13:35.