Ne fakatonu ne Iesu ana soko ke olo o fai a soko. (Mat 28:19) E aofia i ei te talai atu mo te akoako atu. I nisi taimi e ‵tau mo tatou o fesili ki a tatou eiloa, ‘E mafai pefea o gasolo au ki mua i vaega tāua konei o te galuega ko te faiga o soko?’

I lō te faka‵tali ki tino ke ‵mai ki a tatou, e ‵tau o ‵sala malosi tatou ki tino kolā e mafai o “talia ne latou te fekau.” (Mat 10:11) I taimi e talai atu ei tatou, e mata, e ‵sala atu tatou ki so se avanoaga ke fai‵pati atu ki tino ‘kolā e fetaui mo tatou’? (Galu. 17:17) Ne fai a Litia e pelā me se soko ona ko te talaiga māea ne fai ne te apositolo ko Paulo ki a ia.​—Galu. 16:13-15.

KE ONOONO KI TE VITIO “TUMAU EILOA” I TE TALAI ATU​—I SO SE TAIMI, MAI FALE KI FALE, KAE OTI KO TALI EI A FESILI MAI LALO:

• I ana galuega masani, ne fakaasi atu pefea ne Samuelu me e saga malosi a ia o ‵toki a fuaga o te munatonu?

• Kaia e ‵tau ei o ‵saga malosi tatou i vaega kesekese o te talaiga?

• Ko oi a tino e mafai o talai atu ne koe ki ei a te fekau o te Malo i so se taimi e fai ei au galuega masani?

Ke fai a soko, e ‵tau o uke atu ‵tou mea e fai i lō te ofo atu fua o tusi ki tino. Ke fesoasoani atu ke ga‵solo ki mua latou i te feitu faka-te-agaga, e ‵tau o fai ne tatou a toe asiga mo akoga faka-te-Tusi Tapu. (1Ko 3:6-9) Kae, e a māfai se ‵fua malosi mai ‵tou taumafaiga ke akoako se tino ki te munatonu e uiga ki te Malo? (Mat 13:19-22) E ‵tau mo tatou o tumau i te salasala atu a tino kolā olotou loto e fai pelā me ne “laukele ‵lei.”—Mat 13:23; Gal 13:48.

KE ONOONO KI TE VITIO “TUMAU EILOA” I TE TALAI ATU”—I KOGA E TOKOUKE EI A TINO MO TE FAIGA O SOKO, KAE OTI KO TALI EI A FESILI MAI LALO:

• Ne fakasiusiu pefea ne Solomona mo Malia a fuaga o te munatonu i loto o Esekielu mo Apikaila?

• Se a ‵tou fakamoemoega i vaega katoa o ‵tou galuega talai, e aofia i ei te talai i koga e tokouke ei a tino?

• I auala fea e fakatāua malosi ei ne tatou a te akoako atu o nisi tino ki te munatonu?