Kamata i te tausaga nei, ka uke atu ‵tou fakatokaga mō te Fakamanatuga ki te mate o Keliso. Kafai e pakū te Fakamanatuga i loto i se aso o te vaiaso, ka se fai ei a te fakatasiga ko te ‵Tou Olaga Kelisiano mo te Galuega Talai. Kae kafai e pakū te Fakamanatuga ki te Aso Ono io me ko te Aso Sa, a te lāuga mō tino katoa mo te Sukesukega ki Te Faleleoleo Maluga ka sē fai. E mata, ka fakaaoga faka‵lei ne koe a taimi konei ke fai ei au fakatokaga? E pelā mo te senitenali muamua, a fakatokaga ki te fakamanatuga ne fakatoka faka‵lei. (Luk 22:7-13; km 3/15 1) Tela la, e ‵tau mo tatou katoa o fakatoka ‵tou loto. E mafai pefea o fai tatou penā?

• Mafaufau ‵loto ki te tāua ke kau ki te Fakamanatuga.—1Ko 11:23-26

• ‵Talo kae mafaufau ‵loto ki tou fesokotakiga mo Ieova.—1Ko 11:27-29; 2Ko 13:5

• Faitau kae mafaufau ‵loto ki tusi faka-te-Tusi Tapu kolā e fakamatala mai ei te uiga o te Fakamanatuga.—Ioa 3:16; 15:13

Nisi tino talai e fai‵tau kae mafaufau ‵loto ki te faitauga ki tusi fai‵tau mō te Fakamanatuga telā e maua i te tusi Ke Sukesuke ki te Tusi Tapu i Aso Katoa. Nisi e fai‵tau ki fuaiupu o te Tusi Tapu kolā e ‵sae aka i te tiati. Kae ko nisi e suke‵suke ki mataupu o te Faleleoleo Maluga kolā e fakamatala mai ei te Fakamanatuga mo te alofa ne fakaasi mai ne Ieova mo Iesu ki a tatou. Faitalia me se a te vaegā sukesukega ka filifili ne koe, fai ke na pili atu a tou fesokotakiga ki a Ieova mo tena Tama.