KE OLA E PELĀ ME NE KELISIANO
Ke Momea Aka ‵Tou Ata‵mai i te Galuega Talai—Taofi Aka a Akoga Faka-te-Tusi Tapu Kolā e se Ga‵solo ki Mua
TE POGAI E TĀUA EI: E ‵tau o ka‵laga atu a tino ki te igoa o Ieova ke ‵sao latou. (Lom 10:13, 14) Kae e se ko tino katoa kolā e fia‵fia o suke‵suke ki te Tusi Tapu e ma‵nako ke ola e ‵tusa mo tulaga o Ieova. E fakaaoga faka‵lei ne tatou a ‵tou taimi i te galuega talai mai te fesoasoani atu ki a latou kolā e ma‵nako tonu o fai a ‵fuliga ki olotou olaga ke fakafiafia atu ki a Ieova. Kafai e se gasolo ki mua se akoga faka-te-Tusi Tapu mai tua o se taimi e ‵tau o fai penā, se mea poto ke taofi mua tena akoga kae fakaaoga a taimi konā ki tino kolā e ‵taki mai ne Ieova ki tena fakapotopotoga. (Ioa 6:44) E tonu, kafai ko lavea atu i aso mai mua me i te tino tenā ko fai ne ia a ‵fuliga ki tena olaga kae ko “‵tau o maua ne [ia] a te ola se-gata-mai,” ko ‵tau ei o toe faka‵soko tena akoga faka-te-Tusi Tapu.—Gal 13:48.
TE AUALA KE FAI EI:
-
Fakafetai atu ki te tino akoga mō te manakoga ke maua ne ia te iloaga.—1Ti 2:4
-
Faka‵mafa atu a te tāua ke fakagalue aka a mea ne tauloto ne ia.—Luk 6:46-49
-
Ke sau‵tala i se auala atafai ki te tala fakatusa a Iesu e uiga ki te tagata ‵toki fuaga, kae fesili ki ei me se a te mea e taofi ei a ia mai te gasolo atu ki mua.—Mat 13:18-23
-
Ke fakamatala atu i se auala apo te pogai ko taofi aka i ei tena akoga
-
Fakaasi atu me ka asi atu koe ki ei i nisi taimi ke fakamalosi a ia kae e mafai o toe faka‵soko tena akoga, māfai e lavea atu me ko gasolo a ia ki mua
KE ONOONO KI TE VITIO, KAE TALI AKA A FESILI MAI LALO:
-
Se a te mea ne tauloto ne koe mai te sau‵talaga telā e fakaasi mai ei i te tino akoga ko sē gasolo ki mua i te feitu faka-te-agaga?
-
I te auala fea ne fesoasoani atu i ei a te tino talai ke iloa ne te tino akoga me e ‵tau o fai ne ia a ‵fuliga i tena olaga?
-
I te auala fea ne fai atu i ei te tino talai me e mafai o ‵toe faka‵soko tena akoga i aso mai mua māfai ko toka a ia?