E mata, e manako koe ke momea aka au mea e fai i te taviniga ki a Ieova i te taimi o te Fakamanatuga? (2Ko 5:14, 15) I te masina o Mati mo Apelila, e mafai o filifili a paenia lagolago ki te 30 io me ko te 50 itula kolā e manakogina. Kafai e mafai ne koe o kau atu ki te galuega fakapito tenei, ke tuku atu sau pepa fakamolemole ki te Komiti o te Galuega Talai o te Fakapotopotoga. I masina takitasi, e faka‵pula atu ki te fakapotopotoga a igoa o tino kolā ko oti ne talia e pelā me ne paenia lagolago. I te auala tenei ka mafai ei o ‵lago atu a te fakapotopotoga ki paenia i te galuega talai. Ke fakaaoga faka‵lei ne tatou katoa a te avanoaga i te vaitaimi o te Fakamanatuga tenei ke momea aka ‵tou atamai i te galuega talai kae ke fakamalosi aka a nisi tino.—1Te 5:11.