Kaia e ‵tau ei o taumafai tatou o fakaasi atu a ‵tou mafaufauga ki ‵tou mātua? (Fat 23:26) Me ne tuku atu ne Ieova ki a latou te tiute ke tausi kae takitaki koutou. (Sal 127:3, 4) Ka faigata ki a latou ke fesoasoani atu māfai e ‵funa ne koutou otou manavasega mai i a latou. E se gata i ei, ka se mafai o iloa ne koe a mea ‵gali ne maua ne latou i te olaga. E mata, e masei ma se fakaasi atu ne koe ou mafaufauga ki ou mātua? E se masei—kae ke fakaeteete ke mo a ma fakaloiloi ne koe ou mātua.—Fat 3:32.

E mafai pefea o faipati atu koe ki ou mātua? Taumafai o ‵sala se taimi e ‵lei ki a koe mo lāua. Kafai e faigata ki a koe, e mafai o tusi ne koe se tusi ke fakaasi atu ou lagonaga ki se tokotasi o lāua. Kae e a māfai e ma‵nako lāua o sau‵tala ki se mataupu telā e se ‵lei ki a koe ke sau‵tala ki ei? Masaua me e ma‵nako malosi lāua o fesoasoani atu. Mafaufau ki ou mātua e pelā me ne taugasoa, kae e se ne fili. Ko tou taumafai malosi o fesokotaki faeloa mo ou mātua, ka aoga eiloa ki tou olaga kātoa—te ola se-gata-mai!—Fat 4:10-12.

ONOONO KI TE VITIO TOKU OLAGA TALAVOU—E MAFAI PEFEA O FAIPATI AU KI OKU MĀTUA? KO TALI AKA EI A FESILI KONEI MAI LALO:

• Se a te mea ne fatoa iloa aka ne Esther mo Partik e uiga ki a lāua?

• Se a te mea e mafai o tauloto ne koe mai te fakaakoakoga a Iesu?

• E fakaasi atu pefea ne otou mātua a te atafai?

• Ne a fakatakitakiga mai te Tusi Tapu e mafai o fesoasoani atu ke faipati koe ki ou mātua?